વડોદરાથી પસાર થતો નેશનલ હાઇવે નં. ૪૮ છેલ્લા કેટલાક સમયથી વાહન ચાલકો માટે માથાનો દુખાવો બની ગયો છે. કપુરાઈથી વાઘોડિયા ચોકડી તથા આજવા ચોકડીથી ગોલ્ડન ચોકડી સુધી ભારે ટ્રાફિક જામ સર્જાયો હતો.
આજે સાંજે પણ આજવા ચોકડીથી ગોલ્ડન ચોકડી તરફ જવાના માર્ગ પર ટ્રાફિક જામના કારણે વાહનોની લાંબી કતારો લાગી ગઈ હતી. સામાન્ય રીતે પાંચથી સાત કિલોમીટરનું અંતર કાપવા જ્યાં દસથી પંદર મિનિટનો સમય લાગે છે, ત્યાં વાહનચાલકોને ૪૫ મિનિટ જેટલો સમય લાગ્યો હતો. વાહનચાલકોના જણાવ્યા અનુસાર હાઇવેના અનેક સ્થળોએ રોડ વર્ક, અયોગ્ય ડાયવર્ઝન અને ભારે વાહનને કારણે દૈનિક ટ્રાફિક સર્જઈ રહ્યો છે. ટ્રાફિક પોલીસ ફરજ પર હોવા છતાં શહેરમાંથી મોટી સંખ્યામાં એન્ટ્રી એક્ઝિટ કરતા વાહનનોના કારણે સ્થિતિ કાબૂમાં આવતા વાર લાગી હતી.
