અમદાવાદ, સોમવાર
અમદાવાદમાં દિવાળી પર્વે પહેલા લૂંટારુ ટોળકી સક્રીય બની રહી છે અને નિર્દોષ લોકોને માર મારીને લૂંટી લેવાના બનાવો વધી રહ્યા છે. કાલુપુરમાં બસની રાહ જોઇને ઉભેલા આધેડને રિક્ષા કરી આપું કહીને મોબાઇલ માંગતાં આધેડે આપવાની ના પાડી હતી જેથી માર મારીને મોબાઇલ અને રોકડ સહીત રૃા. ૫,૪૦૦ લૂંટી લીધા બાદ લકવાગ્રસ્ત આધેડને ધક્કો મારી નીચે દીધા હતા. બીજા બનાવમાં મહેસાણાથી સાયકલનો સામાન ખરીદવા આવેલા યુવકને શટલ રિક્ષામાં રૃા. ૫૦ હજાર લૂંટી લીધા હતા. આ બન્ને બનાવમાં પોલીસે ગુનો નોંધી સીસીટીવી ફૂટેજ આધારે વધુ તપાસ હાથ ધરી છે.
મહેસાણાથી સાયલકનો સામાન ખરીદી કરવા આવેલા યુવકના શટલ રિક્ષામાં ૫૦ હજાર લૂંટાયા ઃ કાલુપુરમાં આધેડના મોબાઇલ સહિત રૃા.૫,૪૦૦ લૂંટી ધક્કો મારી પાડી દીધા
નરોડામાં રહેતા આધેડ શનિવારે રાત્રે નોકરીથી છૂટીને ઘરે જતા હતા. કાલુપુર રેલ્વે સ્ટેશન પાસે અલંકાર રિક્ષા સ્ટેન્ડ ઉપર ઉભા હતા. ત્યારે એક શખ્સે તેમની પાસે આવીને તમારો મોબાઇલ આપો હું તમને રિક્ષા કરી આપું કહેતા યુવકે ના પાડી હતી. તેમ છતાં આઘેડને લાફો મારીને ખિસ્સામાંથી બળજબરીથી ૫૦૦૦નો મોબાઇલ લૂંટી લીધા બાદ માર મારીને તારી પાસે જે હોય તે આપી દે નહી તો જાનથી મારી નાખીશ તેવી ધમકી આપી રૃા. ૪૦૦ લૂંટીને ધક્કો મારતા લકવાગ્રસ્ત આઘેેડ નીચે પડી ગયા હતા.
બીજા બનાવમાં મહેસાણા જિલ્લાના જગુદણ ગામના વતની વિષ્ણુંભાઇ પ્રજાપતિ (ઉ.વ.૩૫) શનિવારે સાયકલનો સામાન ખરીદવા આવ્યા હતા સુભાષભાબ્રિજથી શટલ રિક્ષામાં બેસીને કાલુપુર જતા જ્યાં શાહીબાગ શિલાલેખ ચાર રસ્તા પાસે રિક્ષામાં બેઠેલા બીજા લોકોએ બેસતા નથી ફાવતું કહીને તેમને નીચે ઉતારી દીધા હતા દરમિયાન શટલ રિક્ષામાં બેઠેલા લોકોએ તેમની પાસેના રૃા.૫૦ હજાર લૂંટી લીધા હતા. આ બન્ને ઘટનામાં પોલીસે ગુનો નોંધી સીસીટીવી ફૂટેજ આધારે વધુ તપાસ હાથ ધરી છે.
