– પત્તાપાના વડે હારજીતનો જુગાર રમતા હતા
– પોલીસે જુગારનું સાહિત્ય, રોકડ રકમ સહિતની મત્તા જપ્ત કરીને ગુનો નોંધી કાર્યવાહી હાથ ધરી
નડિયાદ : નડિયાદ ગ્રામ્ય પોલીસે સલુણ વાંટામાં જુગાર રમતા બે શખ્સો, જ્યારે ખેડા ટાઉન પોલીસે બીડજ નહેર પાસેથી જુગાર રમતા ત્રણ શખ્સોને જુગારનું સાહિત્ય તેમજ રોકડ સાથે ઝડપી પાડયા હતા. આ બનાવ અંગે જે-તે વિસ્તારની પોલીસે ગુુનો નોંધી વધુ કાર્યવાહી હાથ ધરી હતી.
નડિયાદ ગ્રામ્ય પોલીસ મંગળવારે સાંજે પેટ્રોલિંગમાં નીકળી હતી. આ દરમિયાન બાતમી મળી હતી કે, સલૂન વાંટા જોશીપુરામાં ખુલ્લી જગ્યામાં કેટલાક લોકો જુગાર રમી રહ્યાં છે, જેથી પોલીસે રેડ પાડતા પત્તા પાનાનો હાર જીતનો જુગાર રમતા સંજય ઉર્ફે હનુમાન રમેશભાઈ પરમાર અને વિજયભાઈ છગનભાઈ પરમારને જુગારના સાહિત્ય તેમજ રોકડ રૂ.૧૬૫૦ સાથે ઝડપી પાડયા હતા. આ બનાવ અંગે નડિયાદ ગ્રામ્ય પોલીસે ગુનો નોંધી વધુ કાર્યવાહી હાથ ધરી હતી.
જ્યારે બીજા બનાવમાં ખેડા ટાઉન પોલીસ મંગળવારે સાંજે પેટ્રોલિંગમાં નીકળી હતી. આ દરમિયાન બાતમી મળી હતે કે, બીડજ ગામની સીમમાં કેનાલ સામે ખુલ્લી જગ્યામાં કેટલાક લોકો હારજીતનો જુગાર રમી રહ્યાં છે. જેથી પોલીસે રેડ પાડતા જુગાર રમતા રમેશભાઈ જુજાભાઈ દંતાણી, ભાવેશભાઈ જંયતીભાઈ રાઠોડ તેમજ ભીખાભાઈ મંગળભાઈ વસાવાને જુગારનું સાહિત્યસ રોકડ રૂ.૧,૪૦૦ સાથે ઝડપી પાડયા હતા. આ બનાવ અંગે ખેડા ટાઉન પોલીસે ગુનો નોંધી વધુ કાર્યવાહી હાથ ધરી હતી.
