આણંદ: આણંદના ગામડી ગામે ડિગ્રી વગર ક્લિનિક ચલાવતો બોગસ ડોક્ટર પકડાયો હતો. પોલીસે વિવિધ પ્રકારની દવાઓ, મેડિકલના સાધનો સહિત ૨૮.૩૨૦નો મુદ્દામાલ કબજે કરવામાં આવ્યો છે. તાલુકાના ગામડી ગામના ઇસ્માઇલનગરમાં ગલી નં. ૮ સામે પુજા ક્લિનિકમાં પ્રકાશ બાલા નામનો બંગાળનો વ્યકિત ડિગ્રી વગર દવાખાનું ચલાવતો હોવાની બાતમીના આધારે રેડ કરવામાં આવી હતી અને ક્લિનિકમાં હાજર પ્રકાશ પ્રમાર્થ બાલા ( ઉ.વ. ૫૦,રહે. ગામ પરઘનબેડીયા પો. સ્ટ બૈરામપુર, તા. બંનગાવ, જિ. ઉત્તર ૨૪ પરગણા, વેસ્ટ બંગાલ, હાલ રહે. આણંદ) હોવાનું સામે આવ્યું હતું. આ પ્રકાશ બાલા પાસે ડિગ્રી અને ગુજરાત મેડિકલ કાઉન્સિલિંગનું રજિસ્ટ્રેશન કે ડિગ્રી ન હોવાનું સામે આવ્યું છે. ક્લિનિકમાંથી વિવિદ પ્રકારની દવાઓ, મેડિકલના સાધન સામગ્રી, મોબાઇલ, રોકડ સહિતનો મુદ્દામાલ જપ્ત કરાયો છે. આ મામલે પ્રકાશ પ્રમાર્થ બાલા સામે આણંદ ટાઉન પોલીસ સ્ટેશનમાં ફરિયાદ નોંધાઇ છે.
