Rain Forecast Gujarat : ગુજરાતના મોટાભાગના જિલ્લામાં કમોસમી વરસાદ થયો છે. છેલ્લા ચાર દિવસથી સૌરાષ્ટ્ર અને દક્ષિણ ગુજરાતના જિલ્લામાં ભારેથી અતિભારે કમોસમી વરસાદ ખાબક્યો છે. હવામાન વિભાગે આવતીકાલ મંગળવાર સુધી વરસાદની આગાહી કરી છે.
15 જિલ્લામાં ભારે વરસાદનું ઍલર્ટ
હવામાન વિભાગના Nowcast મુજબ, આજે સોમવારે રાત્રે 10 વાગ્યા સુધીમાં રાજ્યના 15 જિલ્લામાં ભારે વરસાદનું યલો ઍલર્ટ છે. જેમાં બનાસકાંઠા, મહેસાણા, અમદાવાદ, ભાવનગર, આણંદ, વડોદરા, ખેડા, ગાંધીનગર, પંચમહાલ, દાહોદ, અરવલ્લી, મહીસાગર, ભરૂચ, છોટા ઉદેપુર, સાબરકાંઠા જિલ્લામાં ભારે વરસાદની શક્યતા છે.
આ પણ વાંચો: અમદાવાદમાં બાવળાના ખેતરોમાં જળપ્રકોપ: ડાંગરનો પાક ડૂબ્યો, જગતના તાતની હાલત દયનીય
4 નવેમ્બરની આગાહી
હવામાન વિભાગ મુજબ, આવતીકાલે મંગળવારે (4 નવેમ્બર) ગીર સોમનાથ, અમરેલી, ભાવનગર, આણંદ, વડોદરા, પંચમહાલ, દાહોદ, છોટા ઉદેપુર, સુરત, નર્મદા, તાપી, ડાંગ, નવસારી, વલસાડ જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી કરી છે.
