Rainfall In Gujarat : ગુજરાતમાં છેલ્લા કેટલાક દિવસથી કમોસમી વરસાદ વરસી રહ્યો છે. હવામાન વિભાગે હજુ એક દિવસ હળવા વરસાદની આગાહી કરી છે. તેવામાં આજે 3 નવેમ્બર, 2025ના રોજ રાત્રે 8 વાગ્યા સુધીમાં 47 તાલુકામાં માવઠું થયું છે.
47 તાલુકામાં માવઠું
હવામાન વિભાગની કમોસમી વરસાદની આગાહી વચ્ચે કચ્છ-સૌરાષ્ટ્ર અને ઉત્તર ગુજરાત સહિતના જિલ્લામાં માવઠું થયું છે. આજે રાત્રે 8 વાગ્યા સુધીમાં સૌથી વધુ કચ્છના અંજારમાં 3.19 ઇંચ અને ભાવનગરના ગોધરામાં 1.30 ઇંચથી વધુ વરસાદ ખાબક્યો છે.
આ પણ વાંચો: ગુજરાતના 15 જિલ્લામાં આજે રાત્રે 10 વાગ્યા સુધી ભારે વરસાદનું ઍલર્ટ, મંગળવારે પણ માવઠાની આગાહી
45 તાલુકામાં 1 ઇંચથી ઓછો વરસાદ
જ્યારે ભાવનગરના પાલીતાણા, વડોદરામાં કરજણ, કચ્છના અબડાસા, રાપર, ભચાઉ, સુરેન્દ્રનગરના ચુડા, બનાસકાંઠાના સુઈગામ, દાંતા, ધાનેરા, સાબરકાંઠાના વિજયનગર, વડાલી, પોશિના, ઈડર સહિત કુલ 45 તાલુકામાં 1 ઇંચથી વધુ વરસાદ ખાબક્યો છે.
