Gujarat Rain 2025: ગુજરાતમાં કમોસમી વરસાદે કેર વર્તાવતા ખેડૂતોને માથે આભ તૂટી પડ્યું છે. છેલ્લા એક મહિનામાં જ ગુજરાતમાં સરેરાશ ચાર ઈંચથી વધુ વરસાદ નોંધાઈ ચૂક્યો છે. જેમાં દક્ષિણ ગુજરાતમાં સૌથી વધુ સરેરાશ 6 ઈંચ જેટલા વરસાદનો સમાવેશ થાય છે.
આ પણ વાંચોઃ પાક નુકશાનીનો સર્વે : જિલ્લાના 699 પૈકી 550 થી વધુ ગામમાં પંચરોજ કામ સહિતની કામગીરી પૂર્ણ
ક્યાં કેટલો વરસ્યો વરસાદ?
ગુજરાતમાં રવિવારે 35 તાલુકામાં વરસાદ નોંધાયો હતો. જેમાં દેવભૂમિ દ્વારકાના દ્વારકામાં સૌથી વધુ 1.50 ઈંચ, જ્યારે ભાવનગરમાં 1 ઈંચ વરસાદ નોંધાયો હતો. રાહતની વાત એ છે કે, હવામાન વિભાગની આગાહી પ્રમાણે ગુજરાતમાં હવે વરસાદની કોઈ સંભાવના નથી. છેલ્લા એક મહિનામાં સૌરાષ્ટ્રમાં 5.50 ઈંચ જ્યારે પૂર્વ મધ્ય ગુજરાતમાં 3.25 ઈંચ જેટલો વરસાદ વરસ્યો છે.
100% થી વધુ વરસાદ
ચોમાસાની વર્તમાન સિઝનમાં ગુજરાતમાં સરેરાશ 128 ટકા વરસાદ નોંધાઈ ચૂક્યો છે. જેમાં કચ્છમાં સૌથી વધુ 150 ટકા, દક્ષિણ ગુજરાતમાં 133 ટકા જેટલા વરસાદ વરસી ચૂક્યો છે. આ વખતે જૂનમાં 12, જુલાઈમાં 10, ઓગસ્ટમાં9.70, સપ્ટેમ્બરમાં 8.75 ટકા જેટલો સરેરાશ વરસાદ વરસ્યો હતો.
આ પણ વાંચોઃ કપડવંજના આંતરસુબામાં 1.57 લાખની મત્તા ચોરી તસ્કરો પલાયન
છેલ્લા એક મહિનામાં રીજિયન પ્રમાણે ઈચમાં વરસાદ
