આંકોલવાડીના શિક્ષકે ભાષા કોર્નર વિકસાવ્યો : વિદ્યાર્થીઓ જાતે જ તેનો ઉપયોગ કરી તેમને પડતી ભાષાકીય મુશ્કેલીઓ દૂર કરી શકશે
જૂનાગઢ, : સોરઠના એક શિક્ષકે ભાષા કોર્નર વિકસિત કરતાં વિદ્યાર્થીઓને ગુજરાતી, હિન્દી, સંસ્કૃત અને અંગ્રેજીમાં પડતી ભાષાકીય મુશ્કેલીઓ દૂર કરવામાં ઘણી સરળતા રહેશે. આ ભાષા કોર્નરનો વિદ્યાર્થીઓ પોતાની રીતે જ ઉપયોગ કરી માર્ગદર્શન પ્રાપ્ત કરી શકશે.
આંકોલવાડી કન્યા શાળાના શિક્ષક નિશાંત મહેતાએ પોતાના ખર્ચે બાળકો માટે ભાષા કોર્નર વિકસાવ્યું છે. જેમાં ગુજરાતી, હિન્દી, સંસ્કૃત અને અંગ્રેજી ચારેય ભાષાના શબ્દો, વાક્યો, ક્રિયાપદો, વ્યાકરણ કાર્ય જેવી બધી જ વસ્તુ તથા સાહિત્ય (શૈક્ષણિક સાધનો, વિષય વસ્તુ ચાર્ટ, અધ્યયન નિષ્પતિ આધારિત ટીએલએમ)નો સમાવેશ કર્યો છે. માત્ર એક કોર્નર દ્વારા તેનું નિર્માણ કરવામાં આવ્યું છે. આ ભાષા કોર્નરનો વિદ્યાર્થીઓ ભરપૂર માત્રામાં ઉપયોગ કરી જાતે જ પોતાને પડતી મુશ્કેલીઓ દૂર કરી સરળતાથી બધી જ ભાષાઓ શીખી શકશે. કોઈપણ ભાષાને સચોટતાથી ગ્રહણ કરવા અને શીખવા માટે વ્યાકરણ સહિતનું પાયાનું જ્ઞાાન મેળવવું આવશ્યક છે.
બાળકો ભાષાના સામાન્ય નિયમો, વ્યાકરણ સરળતાથી સમજી શકે
કોઈપણ ભાષા શીખવા માટેની રખાતી જગ્યા એટલે ભાષા કોર્નર. ટીચિંગ લનગ મટિરિયલ્સ જેમાં શીટ ચાર્ટના માધ્યમથી શિક્ષકની મદદ વગર પણ બાળકો ગુજરાતી, હિન્દી, સંસ્કૃત અને અંગ્રેજી ભાષાના નિયમો, વ્યાકરણ સરળતાથી સમજી શકે. જેમકે, સંસ્કૃતમાં મોં એટલે મુખમ, વદનમ જેવા નવા શબ્દો શીખે. શીટ ચાર્ટના ઉપયોગ વડે વ્યાકરણ, સમાનાર્થી, વિરૂધાર્થી શબ્દ સમૂહ અને વાક્ય રચનાનું જ્ઞાાન પ્રાપ્ત કરી શકે. ભણવાની સાથે આવી વિશેષ વધારાની પ્રવૃત્તિઓ કરાવી શકાય તો બાળકો આનંદથી ભણી ભાષાનું જ્ઞાાન શીખી શકે
