મુંબઈ : અમેરિકામાં ૪૩ દિવસના અત્યારસુધીના લાંબા શટડાઉન સમાપ્ત થતા હવે મહત્વના આર્થિક ડેટા જાહેર થવાનો માર્ગ મોકળો થયો છે. અમેરિકાએ ચાંદીને મહત્વના ખનિજની યાદીમાં સમાવી લેતા વિશ્વ બજારમાં ચાંદી તેની ૫૪.૪૯ ડોલરની ઓલટાઈમ હાઈ સપાટીની નજીક પહોંચી ગઈ હતી.
વિશ્વ બજારમાં કિંમતી ધાતુમાં રેલીને પરિણામે ઘરઆંગણે પણ દિવાળી બાદ સોનાચાંદીમાં ફરી એક વખત મોટા ઉછાળા આવ્યા છે. અમદાવાદ ચાંદી આજે એક જ દિવસમાં રૂપિયા ૬૫૦૦ ઉછળી છે જ્યારે સોનામાં પણ વધુ રૂપિયા ૩૦૦૦ જેટલો ઉછાળો આવ્યો છે.
