અમદાવાદ, બુધવાર
મ્યુનિસિપલ કોર્પોરેશન અને તાલુકા જિલ્લા પંચાયતની ચૂંટણીમાં મતદારોને રિઝવવા દારુની રેલમછેલ કરવા માટે બુટલેગરો પણ મેદાને આવી ગયા છે. પોલીસે નિકોલ અને નરોડામાં દરોડો પાડીને રૃા. ૧૦ લાખની કિંમતની વિદેશી દારુ અને બિયરની ૩૦૦૦ બોટલો કબજે કરીને નિકોલમાં મહિલા બુટલેગરની ધરપકડ કરી હતી અને નરોડા પોલીસે રાજસ્થાન સહિત કુલ પાંચ બુટલેગરો સામે ગુનો નોંધી વધુ તપાસ હાથ ધરી છે.
કઠવાડા ખાતે મહિલા બુટલેગરના ઘરમાંથી ૫.૨૨ લાખનો અને નરોડામાં રાજસ્થાના બુટલેગરની કારમાંથી ૪.૮૫ લખાનો દારુનો જથ્થો કબજે
પીસીબીએ ચોક્કસ બાતમી આધારે ગઇકાલે નિકોલ પોલીસ સ્ટેશન વિસ્તારમાં આવેલા કઠવાડા ટેબલી ગામમાં દરોડો પાડયો હતો અને ભારતીય બનાવટના વિદેશી દારુનો તથા બિયરનો જથ્થો બોટલો નંગ ૧,૨૩૧, કિંમત રૃપિયા ૫,૨૨,૩૨૮નો દારુ સહિત કુલ રૃા. ૫,૨૨,૮૨૮નો મુદ્દામાલ કબજે કરી એક મહિલા લિસ્ટેડ બુટલેગરને સ્થળ પરથી પકડી હતી અને એક વોન્ટેડ આરોપી કઠવાડા ગામમાં રહેતા દિપકભાઇ સામે ગુનો નોંધીને તેની સામે કાયદેસરની કાર્યવાહી હાથ ધરી છે.
પીસીબીએ નરોડામાં સધી માતા ચાર રસ્તા પાસે આયુષ્માન પ્લાઝા કોમ્પલેક્ષ સામે ઇલેકટ્રીર પોલ પાસેથી રાજસ્થાનના કમલેશ રોત તથા ગોવિંદ કટારા સહિત ચાર લોકોને કાર સાથે પકડી પાડયા હતા અને તેમની પાસેથી રૃા. ૪,૮૫,૮૨૦ કિંમતનો વિદેશી દારુ અને બિયરની કુલ ૧૭૮૫ બોટલો કબજે કરી હતી અને તેમની સામે ગુનો નોંધીને વધુ તપાસ હાથ ધરી છે.
