ટંકારા પંથકનો યુવાન મિત્રો સાથે ફરવા આવ્યો હતો
મોત પોકારતું હોય એમ ત્રણમાંથી એક મિત્ર ન્હાવા પડયો અને મોતને ભેટયો
ચોરવાડ: ચોરવાડ નજીક મેઘલ નદીમાં ન્હાવા પડેલો ટંકારાના યુવાનનું ડૂબી જવાથી મોત થયું હતું.આ બનાવથી ગમગીની વ્યાપી ગઈ હતી.
આ અંગેની વધુ વિગત મુજબ ટંકારા પંથકનો બિપીનભાઈ રસિકભાઈ મહેમદાવાદીયા (ઉ.વ.૪૦)નામનો યુવાન આજે બે મિત્રો સાથે ચોરવાડ પંથકમાં ફરવા આવ્યો હતો.તે નાગાગુરૂ મહાદેવ મંદિરની બાજુમાં મેઘલ નદીમાં બિપીન મહેમદાવાદીયા ન્હાવા પડયો હતો.હાલ મેઘલ નદીમાં વધુ પાણી હોવાથી બિપીનભાઈ ઉંડા પાણીમાં ગરક થઈ ગયો હતો.
તેના મિત્રોએ જાણ કરતા સ્થાનિક તરવૈયાઓએ શોધખોળ શરૂ કરી હતી.આ અંગે જાણ થતાં મામલતદાર,પોલીસ સહિતનો સ્ટાફ ત્યાં પહોંચ્યો હતો.આ દરમ્યાન બિપીનભાઈનો મૃતદેહ મળી આવ્યો હતો.પોલીસે મૃતદેહને પી.એમ.માં ખસેડી તેના પરિવારને જાણ કરી હતી.આ બનાવથી ગમગીની વ્યાપી ગઈ હતી.
