પ્રાદેશિક વાહન વ્યવહાર કચેરી દરજીપુરા ખાતે જાન્યુઆરી મહિનામાં કુલ ૫૬૪૩ ફેસલેસ અરજીઓનો નિકાલ કરાયો છે.
ડ્રાઈવિંગ લાયસન્સ, આર.સી. બુક સહિતની કામગીરી માટે અગાઉ અરજદારોને દરજીપુરા આર.ટી.ઓ. કચેરી ખાતે ધક્કા ખાવા પડતા હતાં, જો કે ફસલેસ સુવિધાથી અરજદારોને રાહત થઈ છે. જાન્યુઆરી મહિનામાં લાયસન્સ રીન્યુઅલ – ૩૨૨૨, એડ્રેસ ચેન્જ-૮૫૯, નેમ ચેન્જ -૩૩૨, લૉકેટ લાયસન્સ-૩૯૩, ડ્રાઇવિંગ લાયસન્સ રિપ્લેસ- ૧૨૦ સહિત કુલ ૫૬૪૩ અરજીઓનો નિકાલ કરાયો છે.
નોંધનીય છે કે, જાન્યુઆરી મહિનામાં ૧૮૭૮ અરજદારોને ઓનલાઈન પોર્ટલ પરિવહન થકી ઘરે બેઠા જ લર્નિંગ લાયસન્સ મળ્યું છે, સાથે જ ૨૬૭ અરજદારોને ઇન્ટરનેશનલ ડ્રાઇવિંગ પરમિટ પણ ઈશ્યુ કરાઈ છે.
આર.ટી.ઓ. અધિકારી કેતન એમ. ખપેડનું કહેવું છે કે, ફેસલેસ પ્રણાલી આર.ટી.ઓ. અને અરજદારો બંને માટે લાભદાયી બની છે. કચેરીએ ભીડમાં ઘટાડો થવા સાથે પારદર્શકતા વધીછે. અરજદારોને હવે લાંબી લાઈનોમાં ઊભા રહેવાની જરૂર રહી નથી. વધુમાં નાગરિકોને ઓનલાઇન સેવાઓનો વધુમાંવધુ લાભ લેવા અપીલ કરી છે.
