Weather News : ઉત્તર ભારતનાં મેદાની વિસ્તારોમાં છેલ્લા 24 કલાકમાં હળવો વરસાદ પડતા લોકોને ગરમીથી આંશિક રાહત મળી હતી. દેશની રાજધાની દિલ્હીમાં સવારે હળવો વરસાદ પડયો હતો. હવામાન વિભાગનાં જણાવ્યા અનુસાર દિલ્હીમાં સવારે 8:30 વાગ્યા સુધીમાં 8 મિમી વરસાદ નોંધાયો હતો.
હવામાન નિષ્ણાતોનાં જણાવ્યા અનુસાર પશ્ચિમ વિક્ષેપ પશ્ચિમ હિમાલય તરફ આગળ વધી રહ્યું છે. જેના કારણે મધ્ય પાકિસ્તાન, પંજાબ અને હરિયાણામાં વાવાઝોડાની શક્યતા છે.
