Jamnagar Liquor Raid : જામનગરના કડિયાવાડ વિસ્તારમાં એક ભાડાના મકાન પર એલસીબીની ટુકડીએ દરોડો પાડી 60 નંગ ઇંગ્લિશ દારૂની બોટલો સાથે એક શખ્સને ઝડપી લીધો છે, જ્યારે દારૂના સપ્લાયરને ફરાર જાહેર કરાયો છે.
જામનગરના કડિયાવાડ વિસ્તારમાં મોટું ફળીમાં મકાન ભાડેથી રાખીને રહેતા હિરેન ઉર્ફે પોપટ પ્રાણલાલ વસાણીના મકાનમાં દારૂનો જથ્થો ઉતારવામાં આવ્યો છે, તેવી બાતમીના આધારે દરોડો પાડ્યો હતો. જે દરોડા દરમિયાન મકાનમાંથી 60 નંગ ઇંગ્લિશ દારૂની બોટલોનો જથ્થો મળી આવ્યો હતો, તેથી પોલીસે ઇંગ્લિશ દારૂ કબજે કરી લીધો છે, અને હિરેન પ્રાણલાલ વસાણીની અટકાયત કરી લીધી છે.
પોલીસની પૂછપરછ દરમિયાન તેને ઉપરોક્ત દારૂનો જથ્થો જામનગરમાં કડીયાવાડમાં રહેતા રોહિત ઉર્ફે ગટી જયંતીભાઈ ચાવડાએ સપ્લાય કર્યો હોવાનું જણાવતાં પોલીસે તેને ફરાર જાહેર કરી શોધખોળ હાથ ધરી છે.
