જામનગરમાં દારૂ ભરેલ વાહન પોલીસે કબજે કરી રૂ. 6 લાખ 39 હજારની કિંમતનો દારૂ કબજે કરી એક આરોપીને ઝડપી લીધો છે.
જામનગરમાં સીટી સી ડીવી પો.સ્ટે.ના પોલીસ ઇન્સ. એન.બી.ડાભી, પો.સબ.ઈન્સ. કે.એચ.યાવડા તથા સર્વેલન્સ સ્કોડના માણસો પેટ્રોલીંગમાં હતા તે દરમ્યાન સ્ટાફ ને બાતમી મળેલ કે ડીફેન્સ કોલોની , વુલનમીલ પાછળ રાજહંશ બુકસ્ટોર પાસે રહેતો કાયાભાઇ કરશનભાઇ સાખરા નામનો શખ્સ સફેદ કલર ની પીકઅપ ગાડી જી.જે. 10 ટીવાય 0384માં દારૂનો જથ્થો લઇને ઉભેલો છે.
જે અંગેની ચોકકસ હકીકતના આધારે દરોડો પાડવામાં આવ્યો હતો. આ દરમ્યાન ભારતીય બનાવટની વિદેશી દારૂની અલગ-અલગ બ્રાન્ડ બોટલો તથા ચપલા કુલ નંગ-1452 ( કિ.રૂ.6,39,600) તેમજ મોબાઇલ કિ.રૂ. 5000 તથા વાહન કિ.રૂ. 5,00,000 મળી કુલ રૂ. રૂ.11,44,600ની કિંમતનો મુદામાલ કબજે કરી આરોપી કાયા શાખરાની અટકાયત કરી હતી
જીગ્નેશ ઉર્ફે જીગો રહીશ વિનોદભાઈ ખીચડા અને દિપક ઉર્ફે અટાપટુ જમનાદાસ જેઠવાણીના પણ નામ આ પ્રકરણમાં ખૂલવા પામ્યા છે. પોલીસે તેની પણ શોધખોળ હાથ ધરી છે.
