Jamnagar Police : જામનગર જિલ્લાના નવનિયુક્ત એસ.પી. ડો.રવિ મોહન સૈનિ દ્વારા શહેર જિલ્લામાં પોલીસ વિભાગની અલગ અલગ ટુકડીને દોડતી કરીને પ્રતિદિન અલગ અલગ ઝુંબેશ ચલાવવામાં આવે છે, જેના ભાગરૂપે ગઈકાલે સમગ્ર જિલ્લામાં મિલકત સંબંધી ગુનાના આરોપીઓને ચેક કરવા માટેની સ્પેશિયલ ડ્રાઈવનું આયોજન કરવામાં આવ્યું હતું.
જામનગર શહેર અને જિલ્લાના અલગ અલગ પોલીસ મથકોમાં બે કે તેથી વધુ મિલકત મંદિર જેવા કે લૂંટ, ધાડ, ઘરફોડ ચોરી, વાહન ચોરી, ચેઇન સ્નેચિંગ જેવા ગુન્હા આચારનારા શખ્સોની દરેક પ્રકારની પ્રવૃત્તિ ઉપર દેખરેખ રાખવાના ભાગરૂપે, તેમજ મિલકત સંબંધી અંકુશ લાવવા માટે ગઈકાલે સમગ્ર દિવસ દરમિયાન સ્પેશિયલ દ્રાઈવનું આયોજન કરવામાં આવ્યું હતું. જિલ્લાભરમાં આવા ગુન્હેગારોની યાદી તૈયાર કર્યા બાદ કુલ 56 શખ્સોને ચેક કરવામાં આવ્યા હતા. એસપી ડો.રવિ મોહન સૈનીના માર્ગદર્શન હેઠળ લાલપુર અને જામનગર શહેર તેમજ ગ્રામ્ય વિભાગના તમામ ઉચ્ચ અધિકારીઓના માર્ગદર્શન હેઠળ એલસીબી, એસઓજી તથા શહેરના ત્રણેય પોલીસ ડીવિઝન ઉપરાંત ગ્રામ્ય વિસ્તારના તમામ પોલીસ ડિવિઝનના અધિકારીઓ અને તેઓની સમગ્ર પોલીસ ટીમ આ કામગીરીમાં જોડાઈ હતી.
