જામનગર નજીક ફલ્લા ગામમાં જાહેરમાં સ્ટ્રીટ લાઈટના અજવાળે ચલણી નોટોના નંબર ઉપર હારજીત કરી રહેલા 10 શખ્સોની પોલીસે અટકાયત કરી લઈ રૂપિયા દોઢ લાખની માલમતા કબજે કરવામાં આવી છે.
જામનગરના પંચકોશી એ. ડિવિઝનના પોલીસ સ્ટાફે ફલ્લા ગામમાં દરોડો પાડી જાહેરમાં ચલણી નોટોના નંબરના આંકડા ઉપર જુગાર રમી રહેલા ચંદ્રેશ ભાઈલાલભાઈ ધમસાણીયા, યોગેન્દ્ર સિંહ કીરીટસિંહ સોઢા, મોમ ઉર્ફે મોકલો દેવાભાઈ બાંભવા, રોહિત માંડાભાઈ બાંભવા, નાગજીભાઈ ગિરધરભાઈ વરિયા, ટીડાભાઇ ભુરાભાઈ બાંભવા, સંદિપ નારણભાઈ રાઠોડ, અને હિતેન્દ્રસિંહ ભીખુભા પરમારની પોલીસે અટકાયત કરી લીધી છે.
તેઓ પાસેથી રૂપિયા 11,140ની રોકડ રકમ, 8 નંગ મોબાઈલ ફોન, અને ત્રણ મોટરસાયકલ સહિત રૂપિયા 1,57,140ની માલમતા કબજે કરી છે, જે તમામ સામે જુગાર ધારા ભંગ બદલ ગુનો નોંધવામાં આવ્યો છે.
