સમા સ્પોર્ટ્સ કોમ્પલેક્ષ ખાતે આયોજિત નેશનલ રેન્કિંગ ટેબલ ટેનિસ ચેમ્પિયનશિપમાં રમાયેલ અંડર – 15ની ફાઇનલમાં પશ્ચિમ બંગાળના ખેલાડીઓએ મેદાન માર્યું હતું. હવે આવતીકાલે ચેમ્પિયનશિપના સમાપન સાથે અંડર -13 ,11 બોયઝ તથા ગર્લ્સની ચાર ફાઈનલ મેચો રમાશે.
આજે પશ્ચિમ બંગાળના અદિત્ય દાસે અન્ડર-15 બોયઝની રોમાંચક ફાઈનલમાં મહારાષ્ટ્રના અનસીડીડ નિલય પાટેકરને 3-2થી હરાવી ખિતાબ જીત્યો હતો. તથા પશ્ચિમ બંગાળની સેકન્ડ સીડ અંકોલિકા ચક્રવર્તીએ અન્ડર-15 ગર્લ્સ ફાઈનલમાં મહારાષ્ટ્રની ટોચની સીડ નૈશા રેવાસ્કરને 3-0થી હરાવી આસાનીથી જીત મેળવી હતી. અન્ડર-15ની સ્પર્ધા પૂર્ણ થતા હવે ટુર્નામેન્ટનું આવતીકાલે તા. 15 ઓગષ્ટએ સમાપન થશે. જેમાં અંડર -13 ,11 બોયઝ તથા ગર્લ્સ કેટેગરીની ચાર ફાઈનલ રમાશે.
