વડોદરા,તા.25 વડોદરા-સુરત નેશનલ હાઇવે પર સતલુજ હોટલના પાર્કિગમાં પાર્ક કરેલા એક ટેમ્પામાં બનાવેલા ગુપ્ત ખાનામાં દારૃના મોટા જથ્થા સાથે બે શખ્સોની જિલ્લા પોલીસે ધરપકડ કરી હતી. દારૃ સપ્લાય કરનાર દક્ષિણ આફ્રિકાનો વર્ચ્યૂઅલ નંબરનો ઉપયોગ કરતો હોવાથી પોલીસે તે દિશામાં તપાસ હાથ ધરી છે.
પ્રાપ્ત માહિતી મુજબ સતલુજ હોટલના પાર્કિગમાં સફેદ રંગનો એક ટાટા ટેમ્પો ભરૃચ પાસિંગનો ઊભો છે તેના પર કાળી તાડપત્રી બાંધી છે અને અંદર દારૃનો જથ્થો ભર્યો છે તેવી માહિતીના આધારે વરણામા પોલીસે ગઇ સાંજે તપાસ હાથ ધરી હતી. ટેમ્પોમાં બેસેલ બે શખ્સોની પૂછપરછ કરતાં ટેમ્પો ખાલી છે તેમ કહ્યું હતું. પોલીસે ટેમ્પો ચકાસતા ખાલી જણાયો હતો પરંતુ તાડપત્રી હટાવીને જોતા એક ચોરખાનું જણાયું હતું.
ટેમ્પોના ચોરખાનામાંથી પોલીસે રૃા.૧૧.૭૦ લાખ કિંમતની દારૃની ૯૦૦ બોટલો મોબાઇલ સહિત કુલ રૃા.૧૯.૩૫ લાખનો મુદ્દામાલ કબજે કરી નરેશ નટવર વસાવા અને લક્ષ્મણ મહેન્દ્ર વસાવા (બંને રહે.પુનિતપુરા, તા.કરજણ)ની ધરપકડ કરી હતી. પોલીસે બંનેની પૂછપરછ કરતાં દારૃનો જથ્થો રાજસ્થાનના ચીમનપુરા ગામેથી રુષભ નામની વ્યક્તિએ ભરીને આપ્યો હતો અને હોટલના પાર્કિગંમાં ઊભા રહેવા જણાવ્યું હતું.
રુષભે જણાવેલ કે એક શખ્સ આવે તેને ગાડી આપી દેવાની છે. પોલીસ તપાસમાં જાણવા મળ્યું હતું કે રુષભ વોટ્સએપ કોલ પર જે નંબરનો ઉપયોગ કરતો હતો તે નંબર દક્ષિણ આફ્રિકાનો વર્ચ્યૂઅલ નંબર છે. આ નંબરની વિગતો પોલીસે વોટ્સએપ પાસેથી મંગાવી છે. દરમિયાન ઝડપાયેલા બંને આરોપીઓને કોર્ટમાં રજૂ કરી પોલીસે બે દિવસના રિમાન્ડ મેળવ્યા છે.
