Local Body Elections In Narmada: ગુજરાતમાં સ્થાનિક સ્વરાજ્યની ચૂંટણીઓની જાહેરાતની સાથે જ રાજ્ય ચૂંટણી આયોગની એક મોટી ટેકનિકલ ભૂલ સામે આવી છે. નર્મદા જિલ્લામાં ચૂંટણી પ્રક્રિયા શરૂ થાય તે પહેલા જ વહીવટી તંત્રની ગંભીર બેદરકારીને કારણે વિવાદ સર્જાયો છે. જિલ્લાની 2-ભચરવાડા તાલુકા પંચાયત બેઠક માટે ચૂંટણી અધિકારી (RO) કે મદદનીશ ચૂંટણી અધિકારી(ARO)ની નિમણૂક જ કરવામાં આવી નથી, જેના કારણે આ બેઠકનું ભવિષ્ય હવે અદ્ધરતાલ છે.
શું છે સમગ્ર મામલો?
નર્મદા જિલ્લા પંચાયતની 22 અને 6 તાલુકા પંચાયતની 102 બેઠકો માટે આયોગ દ્વારા અગાઉથી જ અધિકારીઓની નિમણૂક કરવાની પ્રક્રિયા હાથ ધરવામાં આવી હતી. જો કે, જવાબદાર અધિકારીઓની ચૂકને કારણે 2-ભચરવાડા તાલુકા પંચાયત બેઠક માટે કોઈ પણ જવાબદાર અધિકારીનું નામ જાહેર કરવામાં આવ્યું નથી.
આ બેઠકનું મહત્ત્વ એટલે પણ વધુ છે કારણ કે, ગત ટર્મમાં આ બેઠક અનુસૂચિત આદિજાતિ મહિલા માટે અનામત હતી, જે આ વર્ષે બદલીને સામાજિક અને શૈક્ષણિક રીતે પછાત વર્ગ (બક્ષીપંચ) માટે જાહેર કરવામાં આવી છે. ગત ચૂંટણીમાં આ બેઠક પરથી કોંગ્રેસના માજી ધારાસભ્યના પૌત્રવધુ અને ભાજપના પૂર્વ ધારાસભ્યના સાળાની દીકરી વિજેતા બન્યા હતા, જેથી આ બેઠક રાજકીય રીતે ખૂબ મહત્ત્વની ગણાય છે.
આ પણ વાંચો: સ્થાનિક સ્વરાજ્યની ચૂંટણી જાહેર થતાં જ આચાર સંહિતા લાગુ, ઉમેદવારો અને રાજકીય પક્ષો માટે કડક નિયમો
ચૂંટણી પ્રક્રિયા પર પ્રશ્નાર્થ
ટેકનિકલ રીતે જોતાં, જે બેઠક માટે કોઈ ચૂંટણી અધિકારી જ નક્કી ન હોય, ત્યાં ફોર્મ ભરવાની પ્રક્રિયાથી લઈને મતગણતરી સુધીની કામગીરી કોણ સંભાળશે તે મોટો પ્રશ્ન છે. આ ભૂલને કારણે સ્થાનિક રાજકારણમાં અનેક ચર્ચાઓએ જોર પકડ્યું છે.
તંત્રનો લૂલો બચાવ
આ ગંભીર છબરડા અંગે જ્યારે નાંદોદ તાલુકા વિકાસ અધિકારી (TDO) પઠાણને પૂછવામાં આવ્યું ત્યારે તેમણે સ્વીકાર્યું હતું કે આ એક ટેકનિકલ ક્ષતિ છે. તેમણે જણાવ્યું હતું કે, ‘અમે આ બાબતે રાજ્ય ચૂંટણી આયોગનું ધ્યાન દોર્યું છે અને ટૂંક સમયમાં આ પ્રશ્નનો ઉકેલ લાવી અધિકારીની નિમણૂક કરી દેવામાં આવશે.’
રાજ્ય ચૂંટણી આયોગની જાહેરાત
નાંદોદ તાલુકાની 4 જિલ્લા પંચાયત બેઠક માટે ચૂંટણી/મદદનીશ ચૂંટણી અધિકારી
•આમલેથા: નાયબ કલેક્ટર-1,કલેક્ટર કચેરી/ મામલતદાર,નાંદોદ
•પ્રતાપનગર: નાયબ કલેક્ટર-1,કલેક્ટર કચેરી/ મામલતદાર,નાંદોદ
•ભદામ: નાયબ કલેક્ટર-1,કલેક્ટર કચેરી/PRO,કલેક્ટર કચેરી
•વડિયા: નાયબ કલેક્ટર-1,કલેક્ટર કચેરી/PRO,કલેક્ટર કચેરી
તિલકવાડા તાલુકાની 3 જિલ્લા પંચાયત બેઠક માટે ચૂંટણી/મદદનીશ ચૂંટણી અધિકારી
•અગર: ડેપ્યુટી ડીડીઓ(પંચાયત)/ મામલતદાર,તિલકવાડા
•તિલકવાડા: ડેપ્યુટી ડીડીઓ(પંચાયત)/ ટીડીઓ,તિલકવાડા
•દેવલીયા: ડેપ્યુટી ડીડીઓ(પંચાયત)/ટીડીઓ,તિલકવાડા
ગરૂડેશ્વર તાલુકાની 4 જિલ્લા પંચાયત બેઠક માટે ચૂંટણી/મદદનીશ ચૂંટણી અધિકારી
•ગરુડેશ્વર: જિલ્લા પૂરવઠા અધિકારી / મામલતદાર,ગરુડેશ્વર
•કેવડિયા: જિલ્લા પૂરવઠા અધિકારી/ મામલતદાર,ગરુડેશ્વર
•ખડગદા: જિલ્લા પૂરવઠા અધિકારી/ટીડીઓ,ગરુડેશ્વર
•નઘાતપોર: જિલ્લા પૂરવઠા અધિકારી/ટીડીઓ,ગરુડેશ્વર
દેડિયાપાડા તાલુકાની 5 જિલ્લા પંચાયત બેઠક માટે ચૂંટણી/મદદનીશ ચૂંટણી અધિકારી
•દેડિયાપાડા: 1-પ્રાંત અધિકારી,દેડિયાપાડા / મામલતદાર,દેડિયાપાડા
•દેડિયાપાડા: 2-પ્રાંત અધિકારી,દેડિયાપાડા / મામલતદાર,દેડિયાપાડા
•મંડાળા: પ્રાંત અધિકારી,દેડિયાપાડા /ટીડીઓ,દેડિયાપાડા
•મોરજડી: પ્રાંત અધિકારી,દેડિયાપાડા /ટીડીઓ,દેડિયાપાડા
•સામોટ: પ્રાંત અધિકારી,દેડિયાપાડા /ટીડીઓ,દેડિયાપાડા
ચીકદા તાલુકાની 2 જિલ્લા પંચાયત બેઠક માટે ચૂંટણી/મદદનીશ ચૂંટણી અધિકારી
•આંબાવાડી: ડેપ્યુટી ડીડીઓ(પંચાયત)/ મામલતદાર, ચીકદા
•ચીકદા: ડેપ્યુટી ડીડીઓ(પંચાયત)/ટીડીઓ,ચીકદા
સાગબારા તાલુકાની 4 જિલ્લા પંચાયત બેઠક માટે ચૂંટણી/મદદનીશ ચૂંટણી અધિકારી
•જાવલી: નગર નિયોજક,નર્મદા/મામલતદાર, સાગબારા
•ખોપી: નગર નિયોજક,નર્મદા/મામલતદાર, સાગબારા
•સાગબારા: નગર નિયોજક,નર્મદા/ટીડીઓ,સાગબારા
•સેલંબા: નગર નિયોજક,નર્મદા / ટીડીઓ,સાગબારા
નાંદોદ તાલુકા પંચાયતની 17 બેઠકો માટે ચૂંટણી/મદદનીશ ચૂંટણી અધિકારી (2-ભચરવાડા બેઠકની જાહેરાત થયેલ નથી)
•9 તાલુકા પંચાયત બેઠકો માટે મામલતદાર,નાંદોદ/નાયબ મામલતદાર,મહેસુલ,નાંદોદ
•8 તાલુકા પંચાયત બેઠકો માટે ટીડીઓ,નાંદોદ/એટીડીઓ,નાંદોદ
તિલકવાડા તાલુકા પંચાયતની 16 બેઠકો માટે ચૂંટણી/મદદનીશ ચૂંટણી અધિકારી
•10 તાલુકા પંચાયત બેઠકો માટે મામલતદાર,તિલકવાડા/નાયબ મામલતદાર,ઈ-ધરા,તિલકવાડા
•6 તાલુકા પંચાયત બેઠકો માટે ટીડીઓ,નાંદોદ/ વિસ્તરણ અધિકારી,પંચાયત,તિલકવાડા
ગરુડેશ્વર તાલુકા પંચાયતની 16 બેઠકો માટે ચૂંટણી/મદદનીશ ચૂંટણી અધિકારી
•8 તાલુકા પંચાયત બેઠકો માટે મામલતદાર,ગરુડેશ્વર/નાયબ મામલતદાર,ઈ-ધરા,ગરુડેશ્વર
•8 તાલુકા પંચાયત બેઠકો માટે ટીડીઓ,નાંદોદ/એટીડીઓ,ગરુડેશ્વર
દિડિયાપાડા તાલુકા પંચાયતની 18 બેઠકો માટે ચૂંટણી/મદદનીશ ચૂંટણી અધિકારી
•11 તાલુકા પંચાયત બેઠકો માટે મામલતદાર,દેડિયાપાડા/નાયબ મામલતદાર,મહેસુલ,દેડિયાપાડા
•7 તાલુકા પંચાયત બેઠકો માટે ટીડીઓ,ડેડીયાપાડા/એટીડીઓ,દેડિયાપાડા
ચીકદા તાલુકા પંચાયતની 16 બેઠકો માટે ચૂંટણી/મદદનીશ ચૂંટણી અધિકારી
•8 તાલુકા પંચાયત બેઠકો માટે મામલતદાર,ચીકદા /નાયબ મામલતદાર,મહેસુલ,ચીકદા
•8 તાલુકા પંચાયત બેઠકો માટે ટીડીઓ,ચીકદા/એટીડીઓ,ચીકદા
સાગબારા તાલુકા પંચાયતની 18 બેઠકો માટે ચૂંટણી/મદદનીશ ચૂંટણી અધિકારી
•9 તાલુકા પંચાયત બેઠકો માટે મામલતદાર,સાગબારા /નાયબ મામલતદાર,મહેસુલ,સાગબારા
•9 તાલુકા પંચાયત બેઠકો માટે ટીડીઓ,સાગબારા/એટીડીઓ,સાગબારા
