Navsari News : નવસારીના ખેરગામ પોલીસ સ્ટેશનમાં એક વ્યક્તિ વિરુદ્ધમાં પ્રોહિબિશન એક્ટ હેઠળ ગુનો નોંધાયો હતો. આ કેસમાં આરોપીએ કોર્ટમાંથી આગોતરા જામીન મેળવી લીધા હતા. જેમાં આરોપી પોલીસ સ્ટેશનમાં હાજર થતાં પોલીસ સ્ટેશનના કોન્સ્ટેબલે માર ન મારવા અને હેરાન-પરેશાન ન કરવા માટે આરોપી પાસેથી 1 લાખ રૂપિયાની માંગણી કરી હતી.
સમગ્ર મામલે પ્રોહિબિશનના ગુનાના આરોપીએ તેના મિત્રને વાત કરી હતી. આ પછી આરોપીના મિત્રએ એન્ટી કરપ્શન બ્યુરો(ACB)ને જાણ કરતાં છટકું ગોઠવીને લાંચીયા પોલીસકર્મીને ઝડપી પાડવામાં આવ્યો હતો.
આ પણ વાંચો: હિંમતનગરમાં બાળકીના અપહરણ કેસમાં મોટો ઘટસ્ફોટ, પૈસા માટે માતા-પિતાએ જ રચ્યું હતું ‘નાટક’
મળતી માહિતી મુજબ, નવસારીના ખેરગામ પોલીસ સ્ટેશનમાં ફરજ બજાવતા પોલીસ કોન્સ્ટેબલ દિવ્યેશભાઇ બળવંતભાઇ પટેલ (ઉં.વ.32)એ પ્રોહિબિશનના ગુનાના આરોપીને માર ન મારવા અને કોઈ પ્રકારની હેરાનગતિ ન કરવા રૂ.1 લાખ માગ્યા હતા. આ મામલે જાણ કરતાં ACBએ સફળ ટ્રેપ ગોઠવીને 1 લાખ રૂપિયાની લાંચ લેતા પોલીસકર્મીને રંગે હાથે ઝડપી પાડ્યો હતો.
