New Labor Code In India : નવા લેબર કોડને લઈને સરકારે ઘોષણા કરી છે. મળતી માહિતી મુજબ, આ નિયમો આગામી 1 એપ્રિલ, 2026થી લાગુ થશે. નવા લેબર કોડમાં અનેક એવી જોગવાઈ કરી છે કે જેનો સીધો ફાયદો કર્મચારીઓને થશે. ઉદાહરણ તરીકે હવે તમારે ગ્રેજ્યુઇટી મેળવવા માટે પાંચ વર્ષ રાહ જોવાની જરૂર નથી. નવા લેબર કોડ હેઠળ, ફક્ત એક વર્ષની સેવા પછી ગ્રેજ્યુઇટી મળશે. તેવી જ રીતે, મહિલા કર્મચારીઓ માટે લઘુતમ વેતન અને સુરક્ષા સહિત અનેક જોગવાઈઓ કરવામાં આવી છે, જેનો લાભ કર્મચારીઓને મળશે.
નવા લેબર કોડ લાગુ થતાં સપ્તાહમાં 3 રજા મળશે?
ઘણાં દેશોમાં અઠવાડિયામાં માત્ર 4 દિવસ કામ કરવાનું કલ્ચર છે. આમ 4 દિવસ કામ અને બાકીને 3 દિવસની રજા હોય છે. જેમાં જાપાન, સ્પેન, જર્મની જેવા દેશોમાં 4 દિવસ કામ કરવાનું કલ્ચર છે. જ્યારે નવા લેબર કોડ લાગુ થતાં સપ્તાહમાં 4 દિવસ કામ કરવાનું કલ્ચર લાગુ પડશે. ચાલો જાણીએ આ મામલે લેબર મિનિસ્ટ્રીનું શું કહેવું છે.
લેબર મિનિસ્ટ્રી દ્વારા સોશિયલ મીડિયામાં આપેલી માહિતી મુજબ, નવા લેબર કોડ લાગુ થતાં રોજના 12 કલાક કામ કરવાથી 4 દિવસનું વર્ક કલ્ચરને અનુમતિ અપાશે. જેમાં બાકીના 3 દિવસ પેઈડ હોલિડે આપવામાં આવશે.
આ પણ વાંચો: ‘Lakh’ કે ‘Lac’ માંથી સાચું શું? RBIએ જણાવ્યું કે શું લખશો તો ચેક કેન્સલ થઈ શકે છે..
સરકારે 21 નવેમ્બરના રોજ 29 કાયદાઓ મળીને 4 નવા લેબર કોડ જાહેર કર્યા છે, જેનો હેતુ શ્રમિકોના અધિકારનું રક્ષણ કરવાની સાથે વ્યાપાર કરવામાં સુસંગતતા સ્થાપિત કરવાનો છે. જેમાં પગાર, ઔદ્યોગિક સંબંધિત કોર્ડ, સોશિયલ સિક્યોરિટી કોડ અને ઓક્યુપેશન સિક્યોરિટી કોડનો સમાવેશ થાય છે.
નવા લેબર કોડ હેઠળ અનેક મહત્ત્વપૂર્ણ જોગવાઈ ઉમેરવામાં આવશે. જેનાથી ઔપચારિક અને અનૌપચારિક બંને રીતે 4 કરોડથી વધુ શ્રમિકો પ્રભાવિત થવાની સંભાવના છે. માનવામાં આવે છે કે, ભારતના લેબર કાયદામાં ક્રાંતિકારી બદલાવ જોવા મળી શકે છે.
