– ભડીયાદ પગપાળા જતા બે પરિવાર સાથે દુર્ઘટના ઘટી
– 9 માસની બાળક અને 17 વર્ષના બાળકીને ગંભીર હાલતે હોસ્પિટલે ખસેડવામાં આવ્યા
ધંધુકા : આણંદ જિલ્લાના ભાલેજ અને મહીસાગર જિલ્લાના બાલસિનોરના બે પરિવાર ભડીયાદ પગપાળા જતા હતા ત્યારે ધોલેરાના કાશીન્દ્રા ગામ પાસે લોખંડના મંડપ તળે બેઠા હતા.દરમિયાનમાં વીજ લાઇન સાથે અડકી જતા લોખંડના લોખંડના મંડપમાં ઇલેક્ટ્રિક કરંટ પસાર થઈ જતા એક મહિલાનું શોક લાગતા ઘટના સ્થળે જ મોત નીપજ્યું હતું જ્યારે બે બાળકોને શોક લાગતા ઇજાગ્રસ્ત થતા તત્કાલ હોસ્પિટલે ખસેડવામાં આવ્યા હતા.
ભડીયાદ ખાતે ઉર્ષ ચાલી રહ્યો હોય અલગ જિલ્લામાંથી લોકો ઉર્ષ ના દર્શનનો લાભ લેવા માટે ગામે ગામથી લોકો પગપાળા આવ્યા હોય છે.અને ઠેર ઠેર લોકની સેવા માટે પંડાલ નાખવામાં આવે છે.જેમાં આણંદ જિલ્લાના ઉમરેઠ તાલુકાના ભાલેજ અને મહીસાગર જિલ્લાના લુણાવાડા તાલુકાના બાલસિનોરના બે પરિવાર અમદાવાદના જમાલપુરથી ભડીયાદ ઉર્સ પીર મહેમુદસા બુખારી દરગાહે દર્શનાર્થે પગપાળા નીકળ્યા હતા.દરમિયાનમાં કાશીન્દ્રા ગામની સીમમાં શગુન પાર્ટી પ્લોટની સાઈટની પહેલા કાશીન્દ્રા ગામની સીમમાં રોડની ચોકડી પર બન્ને પરિવાર નાસ્તો કરવા માટે રોકાયા હતા.જ્યા લોખંડના પાઈપ વાળો મંડપ બાધેલ હોય જે લોખંડનો મંડપમાં પરિવાર બેસીને નાસ્તો કરતા હતા.ત્યારે પવનને કારણે મંડપ ઊંચો થયો હતો.અને મંડપ ઉપર રહેલ વીજ વાયરને અડકી જતા મંડપમાં નાસ્તો કરી રહેલા શહેનાજબાનું ફેમીનખાન રસુલખાન પઠાણ (ઉ.વ.૨૨) ને વીજ કરંટ લાગતા તેમનું સ્થળ પરજ મોત નિપજ્યું હતું.જ્યારે ફેસલ ફેમીનખાન પઠાણ (ઉ.વ.૦૯ માસ ) અને તમન્નાબાનું ફરીદમીયા મલેક (ઉ.વ.૧૭ ) ને કરંટ લાગતા ગંભીર પણે ઇજાગ્રસ્ત થતા તત્કાલ હોસ્પિટલે ખસેડવામાં આવ્યા હતા.આ બનાવ અંગે ફરિદમહમદ હુસેનમિયાએ ધોલેરા પોલીસ મથકમાં જાણવા જોગ નોંધ કરવી છે.
