વડોદરાઃ શહેરના હરણી વિસ્તારમાં પતિ,પત્ની ઓર વોહના કિસ્સા અંગે પતિએ તેની પત્ની અને તેની સાથે રહેતા યુવક સામે ફરિયાદ નોંધાવી છે.
હરણી પોલીસ સ્ટેશન વિસ્તારમાં રહેતા ઉમેશે પોલીસને કહ્યું છે કે,મારી પત્નીને ગઇ તા.૩-૮-૨૪ના રોજ મારો મિત્ર અમિતનગર સર્કલ પાસે વાસુ સાથે જોઇ ગયો હતો.જેથી તેણે મને ફોન કરીને બોલાવ્યો હતો.બંને જણાએ તેની સાથે મારામારી પણ કરી હતી.
પતિએ કહ્યું છે કે,હું પત્નીને ઘેર ચાલ બહું થયું તેમ કહીને સમજાવતો હતો ત્યારે તેણે વાહનની નીચે પડતું મૂકવાનો પ્રયાસ કર્યો હતો.જેથી તેને બચાવી લીધી હતી.ત્યારબાદ વાસુએ મને અને પિયુષને જાનથી મારી નાંખવાની ધમકી આપી હતી.હું તેને હરણી તળાવ ખાતે લઇ ગયો ત્યારે વાસુ પણ પાછળ આવ્યો હતો અને ગાળો ભાંડી હતી.
ત્યારબાદ ગઇ તા.૧૧મી માર્ચથી મારી પત્ની વાસુને ત્યાં રહેવા ગઇ હતી.ગઇ તા.૩૧મીએ તેણે ફોન કરીને હું વીડિયો બનાવીને તમારા નામ લખીને ફાંસો ખાઇ લઇશ તેવી ધમકી આપી હતી.જેથી હરણી પોલીસે ગુનો નોંધ્યો છે.
