બાલવા,
વાસણિયા મહાદેવ રોડ પર અકસ્માત
મહિસાગરના લુણાવાડા પંથકનું દંપતી રોજગારી રળવા આવ્યા હતાં ઃ મૃતક પ્રૌઢ રોડના કામમાં મજુરી કરતો હતો
ગાંધીનગર : ગાંધીનગર નજીક બાલવા,
વાસણિયા મહાદેવ રોડ પર સર્જાયેલા વાહન અકસ્માતના બનાવમાં પીકઅપ ડાલાની ઠોકરે
ચઢી જવાથી શ્રમજીવી પ્રૌઢનું કમકમાટીભર્યુ મૃત્યુ થયુ હતું. મુળ મહિસાગરના
લુણાવાડા પંથકના વતની એવા મૃતક પ્રૌઢ તેના પત્નીને સાથે લઇ અહીં રળવા આવ્યા હતાં
અને રોડના કામમાં મજુરી કામ કરતા હતાં. આ બનાવ સંબંધે તેના દિકરાએ ફરિયાદ નોંધાવતા
પેથાપુર પોલીસ દ્વારા ધોરણસરની કાર્યવાહી કરાઇ હતી.
અકસ્માતના બનાવમાં પ્રકાશભાઇકાનજીભાઇ નટ નામના પ્રૌઢનું
મૃત્યુ થયુ હતું. આ બનાવ સંબંધે પોલીસે તેના દિકરા લુણાવાડા તાલુકાના ઉકરડી ગામે
રહેતા કમલેશની ફરિયાદ પરથી ૭૪૨૫ નંબરના પીકએપ ડાલાના ચાલક સામે ગુનો નોંધ્યો હતો.
ફરિયાદમાં જણાવવામાં આવ્યા પ્રમાણે ગત તારીખ ૭મીના રાતવેળાએ ઉપરોક્ત બનાવ બન્યો
હતો. ખુલ્લા ખેતરમાં રહેને રોડનાકામની મજુરી કરતાં મૃતક પ્રૌઢ બીડી-પેટી અને લાકડા
લેવા માટે નીકળ્યા હતાં. તે દરમિયાન રસ્તો ઓળગી રહ્યા હતા ત્યારે પુરપાટ આવેલા
પીકઅપ ડાલાએ તેને ઠોકર મારી દેતાં ફંગોળાઇને રોડ પર પટકાંતા માથા સહિત શરીરના ભાગે
ઇજાઓ પહોંચતા બેભાન થઇ ગયા હતાં. બનાવ સ્થળે એકઠા થઇ ગયેલા લોકો પૈકી કોઇએ ૧૦૮
એમ્બ્યુલન્સને બોલાવી હતી. પરંતુ સ્થળ પર આવેલી ૧૦૮ના તબીબે તપાસીને પ્રૌઢનું
મૃત્યુ થયાનું જણાવ્યુ હતું.
