Pushkar Cattle Fair : રાજસ્થાનમાં પુષ્કરમાં પશુ મેળામાં એક ઘોડી આકર્ષણનું કેન્દ્ર બની છે. આ ઘોડીનું નામ નગીના છે અને તેની ઉંચાઈ 63.5 ઈંચ છે. આ ઘોડી અત્યારે માત્ર 31 મહિનાની છે, પરંતુ તેની કિંમત આખા મેળામાં ચર્ચાનો વિષય બન્યો છે. તેની કિંમત એક કરોડ રુપિયા હોવાનો અંદાજ છે. આ ઘોડી પંજાબના ભટિંડાથી આવી છે.
આ પણ વાંચો: Cyclone Montha: વાવાઝોડાંને ધ્યાનમાં રાખીને ભારતીય સેના હાઈ એલર્ટ પર, 48 કલાકમાં ‘મોન્થા’ બનશે તીવ્ર!
ઘોડીના માલિકે શું કહ્યું?
ઘોડીના માલિક ગૌરાવાઈએ કહ્યું કે, તે છેલ્લા 15 વર્ષથી ભટિંડાથી પુષ્કર મેળામાં આવી રહ્યો છે. આ વખતે તે પુષ્કર મેળામાં 30 ઘોડા લાવ્યો હતો. તે બધા ઉત્તમ જાતિના છે. નગીના ઘોડી મારવાડી નસ્લની છે.
નગીના નામની આ ઘોડી પંજાબમાં આંતરરાષ્ટ્રીય ઘોડા શોમાં પાંચ વખત વિજેતા રહી છે. તેની ઊંચાઈ 63.5 ઇંચ છે. ઘોડીનો દેખાવ દરેકનું ધ્યાન આકર્ષિત કરે છે. નગીના નામની આ ઘોડી માત્ર 31 મહિનાની છે. આ ઘોડીની કિંમત 55 લાખ રૂપિયા આંકવામાં આવી છે, પરંતુ તેના માલિક ગૌરવાઈ તેને આટલી ઓછી કિંમતે વેચવા તૈયાર નથી. તેમનું કહેવું છે કે તેઓ તેને 1 કરોડ રૂપિયાથી ઓછી કિંમતે નહીં વેચે. તેમને આશા છે કે, ટૂંક સમયમાં કોઈ ખરીદદાર મળશે.
આ પણ વાંચો: 5 વર્ષ બાદ ભારત અને ચીન વચ્ચે ફરી ડાયરેક્ટ ફ્લાઈટ સેવા શરૂ, કોલકાતા એરપોર્ટથી પ્રથમ ઉડાન
નગીનાના માતાપિતાના નામ પણ રસપ્રદ
ઘોડીના માલિક ગૌરાવાઈએ જણાવ્યું કે, નગીનાના પિતાનું પિતાનું નામ દિલબાગ છે અને તેના દાદાનું નામ કલા કાંતા છે. ગૌરાવાઈએ નગીનાના આહારનું પણ વર્ણન કર્યું. તેમણે જણાવ્યું કે નગીનાનો ખોરાક સંતુલિત છે, જેમાં ચણા, સોયાબીન, કેલ્શિયમ, વિટામિન, ઝીંક, તાંબુ અને અન્ય પોષક તત્વોનું બાફેલું મિશ્રણ હોય છે.
