વડોદરાઃ વડોદરા નજીક જરોદની રહેવાસી અને ફેશન ડિઝાઇનિંગનો અભ્યાસ કરતી ૨૧ વર્ષની વિદ્યાર્થિની ખુશી પઠાણે પોતાના રિસર્ચ પ્રોજેક્ટના ભાગ રૃપે સોલર પાવર્ડ આર્મી યુનિફોર્મની ડિઝાઇન કર્યો છે.જેનો મુખ્ય હેતુ સરહદ પર કે અગમ્ય સ્થળોએ પેટ્રોલિંગ કરતા જવાનોને સંદેશા વ્યવહાર માટે માટે પાવરનો સ્ત્રોત પૂરો પાડવાનો છે.
આ રિસર્ચ પ્રોજેક્ટ માટે ખુશીએ સૈનિકોની મુલાકાત લઈને તેમની સમસ્યાઓ અને જરૃરિયાતો વિશે જાણકારી મેળવી હતી. જેમાં સંદેશાવ્યવહારની સમસ્યાને એક મુખ્ય મુદ્દો હતો. તેણે આ માટે આર્મીમાં ફરજ બજાવતા ચાર થી પાંચ અધિકારીઓ પાસેથી પણ માહિતી મેળવી હતી.
વિદ્યાર્થિનીના કહેવા પ્રમાણે સૈનિકોને સરહદ પર પેટ્રોલિંગ કરતી વખતે અંતરિયાળ વિસ્તારોમાં બેટરી ખતમ થવાથી તેમના યુનિટ અને કમાન્ડિંગ ઓફિસર સાથે સંદેશા વ્યવહારમાં અવરોધ ઉભો થવાની સમસ્યા નડતી હોય છે.આ વાતને ધ્યાનમાં રાખીને, મેં મેં એક સોલર પાવર્ડ યુનિફોર્મ તૈયાર કર્યો છે. જેમાં અલગ અલગ જગ્યાએ નાના ખિસ્સા રાખીને તેમાં નાની સોલર પેનલો મૂકી છે.આ સોલર પેનલો જવાનો દિવસના સમયે પેટ્રોલિંગ કરતા હોય ત્યારે રિચાર્જ થતી રહી છે.યુનિફોર્મની અંદર વાયરિંગ કરીને સોલર પેનલોને બેટરી સાથે જોડી છે.આમ સૈનિકો પાસે પાવરનો એક વધારાનો વિકલ્પ રહે છે.આ બેટરીથી તેઓ ફોન કે વાયરલેસ સેટ કે પછી રેડિયો રિચાર્જ કરી શકે છે.
