– સુરેન્દ્રનગરમા લીલા ચણાનુ આગમન ફોલેલા દાણા 1200 રૂપીયે કીલો
– સુરેન્દ્રનગર જિલ્લામાં રાજકોટ અને ગોંડલમાંથી લીલા ચણાનું આગમન
સુરેન્દ્રનગર : સુરેન્દ્રનગરની સ્વાદપ્રીય જનતાના મનગમતા એટલે લીલાચણાની સબ્જી લીલાચણાની શરૂઆત સુરેન્દ્રનગર શહેરમા થય ચુકી છે. ચારથી પાંચ મહીના મળતા લીલાચણાની આવક ઓછી હોવાથી ભાવ હાલતો આસમાને છે. બજારમા ફોલેલા ચણા એક કિલોના ૧૨૦૦ રૂપીયાનો ભાવ છે જ્યારે બીટેલા ચણા ૭૦૦ રૂપીયે કીલો વેચાઇ રહ્યા છે.
હાલમા બજારમા વેચાતા લીલા ચણા રાજકોટ અને ગોંડલના આજુબાજુના ગામમા થતા વાવેતરના ચણા સુરેન્દ્રનગરની બજારમા વેચાઇ રહ્યા છે. સુરેન્દ્રનગરમા પણ અત્યારે ભાવ વધુ હોવાથી ૫ થી ૭ લોકો જ ચણાનુ વેચાણ કરી રહ્યા છે. આ ભાવ હજુ આવતા મહીના સુધી ઉચા ભાવે વેચાણ થશે. ત્યારબાદ સુરેન્દ્રનગર જિલ્લાના લટુડા, ભદ્રેશી, ખારવા, લખતર, કડુ સહીતના અનેક ગામોમા ચણાના વાવેતર થાય છે જે માલ એકાદ મહીના બાદ સુરેન્દ્રનગરની બજારોમા જોવા મળશે એ સમયે આવક વધુ હોવાથી ચણાના ભાવો પણ પ્રજાને પરવળે એવા હશે. લગ્નની સીઝન પણ આવી રહી છે. ત્યારે ચણાની શબ્જી અને રીગણાનો ઓળો અચુક જોવા મળે છે. હાલ તો રોજના ૪૫થી ૫૦ કીલો ચણા બજારમા વેચાઇ રહ્યા છે. એ સીઝન સમયે ભાવો ઓછા હોવાથી રોજના ૨૫૦ થી ૩૦૦ કીલોનુ વેચાણ થાય છે અને એ સમયે ૧૦૦ થી વધુ લોકો રેકડીઓ દુકાનો સહીતની વ્યવસ્થા સાથે ચણાનો વેપાર કરતા હોય છે. હજુ મધ્યમવર્ગ અને સામાન્યવર્ગને ચણાનો સ્વાદ માણવા એકાદ મહીનાની રાહ જોવી પડશે.
ચણાના વાવેતર બાદ બે મહિને તૈયાર થઈને બજારમાં વેચાણમાં આવે છે
લીલાચણાનું વાવેતર હાલ તો રાજકોટ અને ગોંડલના આજુબાજુના ગામોમાં જ થાય છે. સુરેન્દ્રનગરમા અત્યારે વાવેતર થઈ ગયા છે પરંતુ ચણા આવતા હજુ એકથી દોઢ મહીનો લાગી શકે છે આ લીલા ચણાના વાવેતર કર્યા બાદ બે મહીને ચણા તૈયાર થઈને બજારમા આગમના થાય છે.
1500 માં કિલો વેચાતા લીલા ચણા હોળીમાં રૂા. 100 એ પહોંચે છે
નવરાત્રી પત્યા બાદ દિવાળીની શરૂઆતમા જ ચણાની આવક શરૂ થઈ જાય છે. જેમા શરૂઆતમા જ એક કીલો ફોલેલા દાણાના ભાવ ૧૫૦૦ રુપીયે કીલોનો ભાવ હોય છે. જે ધીમે ધીમે નીચે આવતો જાયછે અને ૪ થી ૫ મહીનાની આ સીઝન હોળી ધુળેટી આવતા ચણા બંધ થાય છે. ત્યારે એનો ભાવ ૧૦૦ રૂપીયે કીલો હોય છે.
જિલ્લાના લટુડા, ભદ્રેશી, ખારવા, લખતરમાં પણ ચણાનું વાવેતર
સુરેન્દ્રનગરમા પણ ચણાનુ વાવેતર કરવામા આવે છે. જેમા લટુડા, ભદ્રેશી, ખારવા, લખતરના આજુબાજુના ગામોમા કડુ સહીતના ગામોમા વાવેતર થઈ ચુકયા છે. જે આવતા દોઢથી બે મહીનામા બજારમા આવશે.
