– શેખ હસીના વિરૂદ્ધ ચુકાદો આવતા પહેલાં જ
– અવામી લીગે હડતાળનું એલાન કર્યું તે પહેલાં જ દેશના તમામ શહેરો, ગામોમાં સખત હડતાળ : શોકનું માતમ
નવી દિલ્હી : બાંગ્લાદેશમાં ફરી રાજકીય ઉથલપાથલ શરૂ થઈ ગઈ છે. એકવાર ફરી હિંસા ભડકી ઉઠી છે. બંગ બંધુ શેખ-મુજીબ-ઉર રહેમાનના પુત્રી શેખ હસીનાને બાંગ્લાદેશ સ્થિત ઇન્ટરનેશનલ ક્રીમીનલ કોર્ટે ફાંસીની સજા ફરમાવી દીધી છે પરંતુ શેખ હસીના નવી દિલ્હીમાં અજ્ઞાાત સ્થળે સુરક્ષિત છે તેવામાં બાંગ્લાદેશના તમામ શહેરોમાં ચૂકાદા પહેલાં જ વ્યાપક હિંસા ભડકી ઊઠી હતી. રમખાણો એટલી હદે વ્યાપક બન્યા કે, યુનુસ સરકારની પોલીસે પહેલા લાઠીચાર્જ ટીયરગેસ ચલાવ્યા છતાં રમખાણો ઉગ્ર બનતા દેખો-ત્યાં ઠારનો હુકમ કરવો પડયો છે.
