Bihar Election: જનતા દળ યુનાઇટેડ (જેડીયુ) એ પોતાના ઉમેદવારોની બીજી યાદી જાહેર કરી છે. બીજી યાદીમાં કુલ 44 ઉમેદવારોના નામ છે. અગાઉ, જેડીયુએ 57 ઉમેદવારોની યાદી જાહેર કરી હતી. આમ, એનડીએનો ભાગ રહેલા જેડીયુએ તેના ક્વોટાની તમામ 101 બેઠકો માટે ઉમેદવારોની યાદી જાહેર કરી છે.
આ પણ વાંચોઃ નીતિશ કુમારની જેડીયુએ 57 ઉમેદવારોની પ્રથમ યાદી જાહેર કરી, ચિરાગને લાગશે ઝટકો!
4 મુસ્લિમ ચહેરાને આપી ટિકિટ
બિહાર ચૂંટણીના પહેલા તબક્કામાં ઉમેદવારી પત્રની છેલ્લી તારીખ 17 ઓક્ટોબર છે. તેથી આજે અનેક દિગ્ગજ પોતાનું ફોર્મ દાખલ કરશે. જેડીયુએ પોતાની બીજી યાદી જાહેર કરી, જેમાં 4 મુસ્લિમ ચહેરા છે. JDU એ અરરિયાથી શગુફ્તા અઝીમ, જોકીહાટથી મંજર આલમ, આમૌરથી સબા ઝફર અને ચૈનપુરથી ઝમા ખાનને ટિકિટ આપવામાં આવી છે.
પહેલા તબક્કા માટે 57 ઉમેદવારોની યાદી જાહેર
JDU બુધવારે (15 ઓક્ટોબર) બિહાર વિધાનસભા ચૂંટણીના પ્રથમ તબક્કા માટે 57 ઉમેદવારોની યાદી જાહેર કરી. આ યાદીમાં 15 નવા ઉમેદવારોનો સમાવેશ કરાયો છે. પાર્ટીએ 28 મતવિસ્તારોમાં પોતાના ઉમેદવારો બદલ્યા છે, જ્યારે 29 બેઠકો પર પોતાના હાલના ઉમેદવારોને જાળવી રાખ્યા છે.
આ પણ વાંચોઃ રાજસ્થાનમાં વધુ એક ગમખ્વાર અકસ્માત, ટ્રેલરની ટક્કરે કાર સળગી, 4 લોકો જીવતા બળી ગયા
ચાર ધારાસભ્યોની ટિકિટ કપાઇ
પહેલી યાદીમાં છ મંત્રીઓ અને ચાર મહિલાઓને ટિકિટ આપવામાં આવી છે અને ચાર ધારાસભ્યોની ટિકિટ કાપવામાં આવી છે. જોકે, 2020ની ચૂંટણી જીતનારા 17 ધારાસભ્યોને ફરીથી ઉમેદવાર બનાવવામાં આવ્યા છે. LJP ધારાસભ્ય રાજકુમાર સિંહને મટિહાનીથી ટિકિટ આપવામાં આવી છે અને RJDમાંથી આવેલા અનંત સિંહને મોકામાથી ટિકિટ આપવામાં આવી છે.
