વડોદરાઃ બેન્ક ઓફિસરની ઓળખ આપી વિધવા મહિલાને તેમના પતિના ખાતામાંથી ૯લાખ પરત અપાવવાના નામે દાગીના ઉતારી ફરાર થયેલા બંને ઠગને છાણી પોલીસે ઝડપી પાડયા છે.
દુમાડમાં રહેતા મધુબેન ચાવડા ગઇ તા.૧૧મીએ છાણીની બેન્ક ઓફ બરોડાની બ્રાન્ચમાં એન્ટ્રી પડાવીને બહાર રિક્ષા માટે ઉભા હતા તે દરમિયાન બે ગઠિયા બેન્ક ઓફિસર બનીને આવ્યા હતા.તેમણે મહિલાના પતિના બેન્ક ખાતામાં ૯ લાખ છે અને તેમાંથી અઢીલાખ તાત્કાલિક અપાવશે તેમ કહી ફોટો પડાવવા કમાટીબાગ લઇ દઇ કાનમાં પહેરેલા દાગીના ઉતારી લીધા હતા.
બનાવને પગલે એસીપી ડીજે ચાવડાએ સીસીટીવી ફૂટેજને આધારે તપાસ કરી ટીમ મારફતે આસિફખાન મહેબુબખાન પઠાણ (ધૂળેટા ગામ,ઉમરેઠ,આણંદ) અને સલીમ ઇબ્રાહીમભાઇ મલેક(વડોદરી ભાગોળ, સાવલી,વડોદરા)ને ઉમરેઠથી ઝડપી પાડી દાગીના અને સ્કૂટર કબજે લીધા છે.આ પૈકી સલીમ અગાઉ પણ રાવપુરામાં છેતરપિંડીના ગુનામાં સંડોવાયેલો હોવાનું પોલીસે કહ્યુંછે.
