અગાઉ કરેલી અરજીની દાજ રાખી
સામા પક્ષે રૂ.5 હજારની લૂંટ ચલાવી હોવાની ફરિયાદ નોંધાઈ
ભાવનગર: બોટાદના પાળીયાદ રોડ પર યુવાને ઈસમ વિરુદ્ધ પોલીસમાં અરજી કરી હોવાની દાજ રાખી ત્રણ ઈસમો એ ધસી આવી યુવાનને માર મારી રોકડા રૂપિયાની લૂંટ ચલાવી મોબાઈલ તોડી નાખ્યો હતો અને સમાધાન થયા બાદ મોબાઇલ આપવાનો વાયદો કરી મોબાઈલ નહીં આપી છેતરપિંડી કરી હતી.
બોટાદના પાળીયાદ રોડ પર આવેલા મિત્રા પાર્કમાં રહેતા નીતિનભાઇ નગીનભાઇ વસાણી પોતાના ઘર સામે ઊભા હતા ત્યારે જયદિપ ખીમજીભાઈ વસોયાએ આવીને કહેલ કે તમે શું કામ મારા મોટાભાઈ વિપુલ વિરૂધ્ધ અરજી કરેલ છે.તેમ કહી બોલાચાલી કરવા લાગ્યો હતો.અને આનંદ જેસીંગભાઈ બોળીયા,ખોડાભાઈ રામાભાઈ બોળીયા બાઈક અને કાર લઈને ધસી આવ્યા હતા.અને ત્રણેય શખ્સે ગાળો આપી માર મારી ખિસ્સામાંથી રૂ.૪૦૦૦ કાઢી લીધા હતા.અને ઝપા ઝપી કરી મોબાઈલ ફોન અને ઘડિયાળ આંચળો ઇરાદા પૂર્વક તોડી નાખ્યા હતા.દરમિયાનમાં યુવાનને ઇજાગ્રસ્ત હાલતે હોસ્પિટલે ખસેડવામાં આવ્યા હતા.અને નીતિનભાઇએ પોલીસ મથકમાં અરજી કર્યા બાદ ત્રણેય શખ્સ સાથે સમાધાન થતા મોબાઈલ હેન્ડ્સફ્રી અને ઘડિયાળનો પટ્ટો લાવી આપવાનું કહ્યું હોવા છતાં લાવી આપેલ નહીં અને યુવાન સાથે વિશ્વાસઘાત અને છેતરપીંડી કરી હતી. આ બનાવ સંદર્ભે નીતિનભાઈએ ત્રણ શખ્સ વિરૂધ્ધ બોટાદ ટાઉન પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.જ્યારે ગુનો એવી રીતે કે આ કામ ના ફરીયાદી જયદીપભાઈ વસાણી નીતીન નગીનભાઈ વસાણી ગલુડીયાને માર મારવા બાબતે ઠપકો આપતા નીતીન નગીનભાઈ વસાણી ઉશ્કેરાઈ જઈ ગાળો આપી ઢીકા પાટુનો માર મારી ખિસ્સામાથી રૂ.૫ હજારની લૂટ ચલાવી જાન થી મારી નાખવાની ધમકી આપી હોવાની વળતી ફરિયાદ જયદીપભાઈએ બોટાદ ટાઉન પોલીસ મથકમાં નોંધાવી છે.
બોટાદ પોલીસને ખંડણી આપીએ છીએ તેવી યુવાને ધમકી
યુવાન પર હુમલો કરી લૂટ ચલાવી આનંદ બોળીયાએ યુવાનને ધમકી આપતા કહેલ કે હુ બોટાદ પોલીસને ખંડણી આપુ છુ મારો વાળ વાકો નહી થાય તારે જ્યા દોડવું હોય ત્યા દોડી લેજે તેમ કહી ત્રણેય જતા રહેલ હતા.
