Bodeli Municipality : છોટાઉદેપુર જિલ્લાની બોડેલી નગરપાલિકાની રચનાને 7 મહિના થયા છતાં 7 કરોડની ગ્રાન્ટમાંથી હજુ સુધી એક પણ રૂપિયાનું વિકાસનું કામમાં વાપર્યો ન હોવાનો સ્થાનિકોએ આક્ષેપ કર્યો છે. જિલ્લા કલેક્ટર અને ઉચ્ચ અધિકારીઓએ નગરપાલિકામાં વિકાસના કામો માટે ગ્રામજનોના મંતવ્યો પણ માંગ્યા હતા. જો કે, નગરપાલિકા વિસ્તારમાં વિકાસના કામો ન થતા સ્થાનિક લોકોમાં રોષ જોવા મળી રહ્યો છે.
બોડેલી નગરપાલિકાની તૈયાર પણ 7 કરોડની ગ્રાન્ટમાંથી 1 રૂપિયો ન વાપર્યાનો આક્ષેપ
છોટાઉદેપુરની બોડેલી નગરપાલિકા બનાવવા માટે બોડેલી, ઝાખરપુરા, ચાચક, ઢોકલીયા અને અલિખેરવા આ પાંચ ગ્રામ પંચાયતો જોડીને નગરપાલિકા બનાવવામાં આવી હતી. નગરપાલિકા અસ્તિત્વમાં આવતા ગ્રામજનોમાં વિકાસ થશે તેની ખુશી હતી. નગરપાલિકાને સાત કરોડ રૂપિયા સરકાર દ્વારા વિકાસના કામો માટે ફાળવવામાં આવ્યા છે, પરંતુ બોડેલી નગરપાલિકા વિસ્તારમાં રાજકીય નેતાઓની દખલઅંદાજીના કારણે વિકાસના કામોમાં અડચણ પડી રહી છે.
વિકાસના કામને લઈને બે-બે વાર બેઠકનું આયોજન કરવામાં આવ્યું, પરંતુ મારું કામ મારું કામ કરીને નેતાઓ બે વાર થયેલા આયોજનને ફેંદી નાખવામાં આવ્યો હતો. જ્યારે નગરપાલિકાના ચીફ ઓફિસર નિર્ણયના લઈ શકતા હાલ તો વિકાસના કામો અટવાયા છે.
આ પણ વાંચો: શાકભાજી નીચે સંતાડ્યો હતો દારૂ! બોડેલી પાસે મધ્ય પ્રદેશથી વડોદરા લઈ જવાતો વિદેશી દારૂનો જથ્થો ઝડપાયો
નગરપાલિકાની રચનાને 7 મહિના થયા છતાં વિકાસના કામો ન થતા લોકોમાં રોષ જોવા મળી રહ્યો છે. નગરપાલિકા વિસ્તારના 25 હજાર લોકો વિકાસના કામોની રાહ જોઈ રહ્યા છે. ચોમાસામાં બોડેલીમાં પાણી ભરાવવાની સમસ્યા રહે છે. આ મામલે યોગ્ય પગલાં લેવાની સરકાર છેલ્લા બે વર્ષથી નકરી વાતો કરી રહી છે. બીજી તરફ, નગરપાલિકા હેઠળના ગામના અનેક વિસ્તારોમાં સારા રોડ-રસ્તા નથી અને ગટરોની પણ સમસ્યા છે. તેમજ અમુક વિસ્તારોમાં સ્ટ્રીટ લાઇટ લગાવવા માટેની ગ્રામજનોની માંગને કોઈ ધ્યાને લેતુ ન હોવાથી પાંચેય ગામના ગ્રામજનોમાં ભારે રોષ છવાયો છે.
