– FY25માં સૌપ્રથમ વખત સરકારી બેંકો કરતા ખાનગી બેંકોની વધુ ફરિયાદો RBI સમક્ષ નોંધાઈ
અમદાવાદ : ભારતીય બેંકિંગ સિસ્ટમની ક્યારેય પણ વાત થાય તો સામાન્ય રીતે ખાનગી બેંકોને સર્વિસના મામલે સરકારી બેંકો કરતા ચઢિયાતી માનવામાં આવે છે. બેંકના ખાતેદારોથી લઈને લોનધારકોને ખાનગી કરતા સરકારી બેંકો સામે વધુ વાંધા અને ફરિયાદો હોય છે પરંતુ, નાણાંકીય વર્ષ ૨૦૨૫થી એક નવો અધ્યાય શરૂ કરવા જઈ રહ્યો છે. ૨૦૨૫ના વર્ષમાં સરકારી કરતા વધુ ફરિયાદો ખાનગી બેંક સામે ઉભી થઈ છે.
રિઝર્વ બેંક ઓફ ઈન્ડિયાના લોકપાલ યોજનાના વાર્ષિક અહેવાલના ડેટા અનુસાર ખાનગી ક્ષેત્રની બેંકો સામે મળેલી ફરિયાદોનો હિસ્સો આ વર્ષે સૌથી વધુ હતો.
