ભાવનગર જિલ્લાની 7 વિધાનસભામાં સરની 68.86 ટકા કામગીરી પૂર્ણ થઈ | 68 86 percent of the work of the 7th…

– મતદારયાદીની ખાસ સઘન સુધારણાની 22 દિવસથી ચાલતી કામગીરી 

– 18.66 લાખમાંથી 12.85 લાખ મતદારના ફોર્મ ભરાયા, 31.14 ટકા કામગીરી હજુ બાકી

ભાવનગર : ભાવનગર જિલ્લામાં મતદારયાદીની ખાસ સઘન સુધારણા (સર)ની કામગીરીનો ધમધમાટ ચાલી રહ્યો છે અને અત્યાર સુધીમાં ૬૮.૮૬ ટકા કામગીરી પૂર્ણ થઈ છે. આ કામગીરી પૂર્ણ કરવા બીએલઓ દોડધામ કરી રહ્યા છે. 

જિલ્લાની ૭ વિધાનસભા વિસ્તારમાં મતદારયાદીની ખાસ સઘન સુધારણા અંતર્ગત ગણતરી ફોર્મ ભરવાની કામગીરી ગત તા. ૪ નવેમ્બર-ર૦રપથી શરૂ થઈ હતી અને આગામી તા. ૪ ડિસેમ્બર-ર૦રપ સુધી મતદારોના ફોર્મ ભરવાની કામગીરી ચાલશે. છેલ્લા રર દિવસમાં ૬૮.૮૬ કામગીરી થઈ છે અને હજુ ૩૧.૧૪ ટકા કામગીરી બાકી હશે. કુલ ૧૮,૬૬,૯૩૭ મતદારો નોંધાયેલા છે, જેમાંથી ૧ર,૮પ,પ૯ર મતદારના ફોર્મ ભરાય ગયા છે, જયારે હજુ પ,૮૧,૩૪પ મતદારના ફોર્મ ભરવાના બાકી છે તેમ ચૂંટણી શાખાના સુત્રોએ માહિતી આપતા જણાવેલ છે. 

સરની કામગીરી આડે હવે માત્ર ૯ દિવસ રહ્યા છે. કેટલીક વિધાનસભા બેઠકમાં સારી તો કેટલીક બેઠક પર ઓછી કામગીરી થઈ છે તેથી આ કામગીરી ૧૦૦ ટકા પૂર્ણ કરવા માટે બીએલઓ દોડધામ કરી રહ્યા છે. અંતિમ દિવસ સુધીમાં કેટલા ટકા કામગીરી પૂર્ણ થાય છે ? તેની રાહ જોવી જ રહી. ઉલ્લેખનીય છે કે, ડ્રાફટ મતદાર યાદીનું પ્રકાશન આગામી તા. ૯ ડિસેમ્બર થશે. દાવા અને વાંધાની અવધિ આગામી તા. ૯ ડિસેમ્બર-ર૦રપથી આગામી તા. ૮ જાન્યુઆરી-ર૦ર૬ રહેશે. નોટીસ તબક્કો (સુનાવણી અને ચકાસણી) આગામી તા. ૯ ડિસેમ્બરથી તા. ૩૧ જાન્યુઆરી-ર૦ર૬ રહેેશે. અંતિમ મતદારયાદીનું પ્રકાશન આગામી તા. ૭ ફેબુ્રઆરી-ર૦ર૬ ના રોજ જાહેર કરાશે.  

મહુવા બેઠકમાં સૌથી વધુ 76.28 ટકા કામગીરી 

ભાવનગર જિલ્લાની ૭ વિધાનસભા બેઠકમાં સરની કામગીરી ચાલી રહી છે, જેમાં ટકાવારીની દ્રષ્ટિએ જોઈએ તો સૌથી વધુ કામગીરી મહુવા વિધાનસભા બેઠક પર ૭૬.ર૮ ટકા થઈ છે, જયારે સૌથી ઓછી કામગીરી ભાવનગર પશ્ચિમ બેઠક પર ૬૧.૩પ ટકા થઈ છે. આ ઉપરાંત તળાજા અને ગારિયાધાર બેઠક પર પણ ૭૦ ટકાથી વધુ કામગીરી થઈ છે.  

જિલ્લામાં થયેલ સર કાર્યક્રમની આંકડાકીય માહિતી