– અચાનક સીન કાર્ડ બંધ થઈ ગયું હતું
– મોબાઇલનું સીમ કાર્ડ બંધ થઈ જતા નવું સિમ નાખવી આધાર કાર્ડ લિંક કરતા રૂપિયા ટ્રાન્સફર થઈ ગયા
ભાવનગર : ભાવનગર હેડ ક્વાટર ખાતે હેડ કોન્સ્ટેબલ તરીકે ફરજ બજાવતા હેડ કોન્સ્ટેબલના બેંક એકાઉન્ટમાંથી રૂ.૧.૧૦ લાખનું સાયબર ફ્રોડ થયું હોવાની ફરિયાદ ભરતનગર પોલીસ મથકમાં નોંધાઈ છે.
ભરતનગર વિસ્તારમાં આવેલા ૧૨ નંબરના બસ સ્ટેન્ડ નજીક રહેતા અને ભાવનગર હેડ ક્વાર્ટર ખાતે પોલીસ હેડ કોન્સ્ટેબલ તરીકે ફરજ બજાવતા જયરાજસિંહ આપાભાઇ ખુમાણ ગઇ તા.૧૬ મે ૨૫ ના રોજ બપોરના ઘરે હાજર હતા. અચાનક મોબાઇલનું સીમ કાર્ડ બંધ થઈ ગયેલ હોય જેથી જયરાજસિંહ તુરતજ સીમ કાર્ડ ચાલુ કરવા માટે જીઓની ઓફીસે ગયા હતા.જયરાજસિંહને જીઓની ઓફીસમાથી મોબાઇલ નંબરનુ બીજુ નવુ કાર્ડ આપ્યું હતું. પરંતુ આ સીમ કાર્ડ મોબાઇલમા ચાલુ થયેલ નહી બાદ જયરાજભાઈએ બીજા દિવસે મોબાઇલ નંબર આધાર કાર્ડ સાથે લીંક કરેલ હોય જેના કારણે સીમ કાર્ડ ચાલુ થતુ ન હોય તેમ જાણવા મળ્યું હતું જે પછી જયરાજસિંહ ભાવનગર મહાનગર પાલીકાની ઝોનલ ઓફીસે ભરતનગર રીંગ રોડ પાસે આધારકાર્ડમા મોબાઇલ નંબર લીંક કરતા મોબાઈલ શરૂ થયો હતો.અને બેંક એકાઉન્ટ શરૂ થઈ ગયું હતું.દરમિયાનમાં જયરાજસિંહએ એક્સીસ બેંકની એપ્લીકેશનમા બેલેન્સ ચેક કરતા બેંક ખાતામાંથી કોઇ યુપીઆઈ. આઈડી. લીંક થઇ ગયેલ હોય અને જયરાજસિંહની જાણ બહાર બેંક ખાતામાથી રૂ. ૧,૧૦,૭૦૫ ઉપડી ગયેલ હતા.આ બનાવ સંદર્ભે જયરાજસિંહએ શખ્સ વિરૂધ્ધ ભરતનગર પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે
બિહારના શખ્સ રૂપિયા ટ્રાન્સફર કરવી લીધા
હેડ કોન્સ્ટેબલ જયરાજસિંહએ તુરત જ સાયબર ક્રાઇમ હેલ્પ લાઈન નો સંપર્ક કરી ફરીયાદ કરતા સચીનકુમાર અનીલકુમાર દાસ (રહે. છતાકુસ્મ માધોપુર રાજ્ય,બિહાર ) નામના શખ્સે ફ્રોડ કર્યું હોવાનું ખુલ્યું હતું.અને જયરાજસિંહના ફોનમાથી બેંકએકાઉન્ટમાથી ઉપડી ગયેલ રૂપીયા ૧,૧૦,૭૦૫ ઈસમે અલગ અલગ બેંક ખાતામાં ટ્રાન્સફર કરવી લીધા હતા.
