મનપા દ્વારા એક માસમાં પ્રતિબંધિત પ્લાસ્ટિકનો 153.3 કિલો જથ્થો જપ્ત | Municipal Corporation seizes 15…

– મહાપાલિકાએ પ્રતિબંધિત પ્લાસ્ટિકના મામલે 243 આસામી સામે કાર્યવાહી કરી

– પ્રતિબંધિત પ્લાસ્ટિકનો ઉપયોગ કરતા આસામીઓ પાસેથી રૂા. 88,300 નો દંડ વસુલ્યો 

ભાવનગર : ભાવનગર મહાપાલિકાના સોલિડ વેસ્ટ મેનેજમેન્ટ વિભાગે પ્રતિબંધિત પ્લાસ્ટીકનો ઉપયોગ અટકાવવા માટે કાર્યવાહી યથાવત રાખી છે, જેના ભાગરૂપે છેલ્લા એક માસમાં શહેરના જુદા જુદા વિસ્તારમાં તપાસ કરી પ્રતિબંધિત પ્લાસ્ટીકનો ઉપયોગ કરતા આસામીઓને દંડ ફટકારવામાં આવ્યો હતો અને પ્રતિબંધિત પ્લાસ્ટીકનો જથ્થો જપ્ત કર્યો હતો. 

મહાપાલિકાના સોલિડ વેસ્ટ મેનેજમેન્ટ વિભાગ દ્વારા પ્રતિબંધિત પ્લાસ્ટીકનો ઉપયોગ અટકાવવા માટે ગત જુલાઈ માસમાં શહેરની મેઈન બજાર, વોરા બજાર, પીરછલ્લા, મામા ખાડણીયા, કાળાનાળા, વાઘાવાડી રોડ, ઘોઘા જકાતનાકા, ચિત્રા, નિર્મળનગર, સુભાષનગર, ઘોઘાસર્કલ સહિતના વિસ્તારમાં તપાસ હાથ ધરવામાં આવી હતી, જેમાં પ્રતિબંધિત પ્લાસ્ટીકનો ૧પ૩.૩ કિલોગ્રામ જથ્થો પકડયો હતો. પ્રતિબંધિત પ્લાસ્ટીકનો જથ્થો કબજે કરી ર૪૩ આસામી પાસેથી રૂા. ૮૮,૩૦૦ નો દંડ વસુલ કરવામાં આવેલ છે તેમ મહાપાલિકાના સોલિડ વેસ્ટ મેનેજમેન્ટ વિભાગના અધિકારીએ માહિતી આપતા જણાવેલ છે. 

મહાપાલિકાની કાર્યવાહીના પગલે પ્રતિબંધિત પ્લાસ્ટીકનો ઉપયોગ કરતા આસામીઓમાં ફફડાટ ફેલાયો છે. આગામી દિવસોમાં પણ કાર્યવાહી યથાવત રહેશે તેમ મહાપાલિકાના સુત્રોએ જણાવેલ છે. ઉલ્લેખનીય છે કે, પ્રતિબંધિત પ્લાસ્ટીકને કારણે પર્યાવરણને ખુબ જ નુકશાન થઈ રહ્યુ છે ત્યારે પ્રતિબંધિત પ્લાસ્ટીકનો ઉપયોગ અટકાવવા માટે મહાપાલિકા દ્વારા સતત પ્રયાસ કરવામાં આવી રહ્યા છે પરંતુ છતાં કેટલાક આસામીઓ નિયમનુ પાલન કરતા નથી તેથી મહાપાલિકાએ લાલ આંખ કરવી જરૂરી છે. 

પ્રતિબંધિત પ્લાસ્ટિકનો ઉપયોગ અટકાવવા હજુ કડક કામગીરી કરાશે : અધિકારી 

ભાવનગર શહેરમાં પ્રતિબંધિત પ્લાસ્ટીકનો ઉપયોગ અટકાવવા માટે દર અઠવાડીયે ડ્રાઈવ ગોઠવવામાં આવે છે અને દુકાનોમાં તપાસ કરવામાં આવે છે. પ્રતિબંધિત પ્લાસ્ટીકનો જથ્થો જપ્ત કરી આસામીને દંડ ફટકારવામાં આવે છે. આગામી દિવસોમાં હજુ કડક કામગીરી કરવામાં આવશે અને તબક્કાવાર એક-એક વોર્ડમાં કર્મચારીઓની ટીમ ઉતારવામાં આવશે તેમ માહિતી આપતા મહાપાલિકાના સોલિડ વેસ્ટ મેનેજમેન્ટ વિભાગના કાર્યપાલક ઈજનેર એસ.વી.ગોહિલએ જણાવેલ છે. 

શહેરના 13 વોર્ડમાં કરેલ કામગીરીની આંકડાકીય માહિતી