– દિલ્હી, મુંબઈ, બેંગ્લોરમાં આઈફોન-17 માટે રાતથી જ લાંબી લાઈનો
– ભગવા રંગના આઈફોન-17, નવી બાયોનિક ચીપ, અપગ્રેડ કેમેરા, બદલાયેલું પ્રોસેસર ગ્રાહકોમાં આકર્ષણનું કેન્દ્ર બન્યા
નવી દિલ્હી : અમેરિકન સ્માર્ટફોન કંપની એપલે શુક્રવારે ભારતમાં તેના ફ્લેગશિપ આઈફોન-૧૭ની લાઈનઅપ લોન્ચ કરી હતી, જેને લેવા માટે ગ્રાહકોએ વિશેષરૂપે યુવાનોએ મોડી રાતથી જ દિલ્હી, મુંબઈ, બેંગ્લુરુના એપલ સ્ટોર બહાર લાંબી લાઈનો લગાવી હતી. મુંબઈમાં બાંદ્રા કુર્લા કોમ્પ્લેક્સમાં જિયો ડ્રાઈવ મોલમાં એપલ સ્ટોર બહાર ગ્રાહકો લાઈનમાં ઊભા હતા તે સમયે એક ગ્રાહકે લાઈન તોડતા અન્ય ગ્રાહકો સાથે તેને મારામારી થઈ ગઈ હતી. જોકે, ત્યાં હાજર પોલીસે હળવો લાઠીચાર્જ કરી તુરંત સ્થિતિ નિયંત્રણમાં લીધી હતી.
