Vadodara Accident : ગઈ કાલે મોડી રાત્રે 2:00 વાગે વાસદથી વડોદરા આવતા અમદાવાદ-વડોદરા એક્સપ્રેસ હાઈવે પર મહીસાગર નદીના બ્રિજ પાસે ઉભેલી લક્ઝરી બસમાં પાછળથી ટ્રક ઘૂસી જતા ગમખ્વાર અકસ્માત સર્જાયો હતો. જેમાં વલી મોહમ્મદ મકરાણી (ઉંમર વર્ષ 45 રહે. રાજસ્થાન)નું મોત થયું હતું. જ્યારે (1) બ્રીજ વિલાસ સાવલરામ ચૌધરી (રહે બાડમેર રાજસ્થાન) (2) રાણા તેજારામ ચૌધરી (રહે-બાડમેર) (3) ભવરાસિંહ કુલ સિંહ રાઠોડ (રહે ઝાલોદ રાજસ્થાન) (4) બાબુસિંહ સરદારસિંહ રાજપુત (રહે-સાઈ કોલોની થાના મહારાષ્ટ્ર) (5) ભાવેશ શંકરભાઈ રાણા (રહે-રાજસ્થાન)ને ઈજાઓ પહોંચી હતી. તેઓને સારવાર માટે સયાજી હોસ્પિટલમાં દાખલ કરવામાં આવ્યા છે.
