– ભારતમાં 1.61 કરોડ સાથે યોગી બીજા નંબરે
– ટોચના પાંચ નેતાઓના સંયુક્ત ફોલોઅર્સથી મોદીના ફોલોઅર્સ વધુ : 4.32 કરોડ સાથે ટ્રમ્પ બીજા ક્રમે
નવી દિલ્હી : વડાપ્રધાન નરેન્દ્ર મોદી ઈન્સ્ટાગ્રામમાં સૌથી વધુ ૧૦ કરોડ ફોલોઅર્સ ધરાવતા નેતા બની ગયા છે. દુનિયામાં એક પણ રાજકારણીએ અત્યાર સુધીમાં ૧૦ કરોડ ફોલોઅર્સનો માઈલસ્ટોન પાર કર્યો નથી. વર્લ્ડ લીડર્સમાં પ્રથમ અને બીજા ક્રમ વચ્ચે પણ મોટું અંતર છે. ૪.૩૨ કરોડ સાથે ટ્રમ્પ બીજા નંબરે છે.
નરેન્દ્ર મોદી ૨૦૧૪થી ઈન્સ્ટાગ્રામમાં છે. નેતાઓના સૌથી એક્ટિવ એકાઉન્ટમાં મોદીના એકાઉન્ટનો સમાવેશ થાય છે. ગ્લોબલ લીડર્સની વાત હોય તો ઈન્સ્ટાગ્રામમાં મોદી સૌથી વધુ ૧૦ કરોડ ફોલોઅર્સના માઈલસ્ટોને પહોંચનારા પહેલા નેતા બન્યા છે.
તેમના પછી બીજા નંબરે ૪.૩૨ કરોડ સાથે ટ્રમ્પ છે. ત્રીજા નંબરે ઈન્ડોનેશિયાના પ્રમુખ પ્રબોવો સુબિએન્ટો ૧.૫ કરોડ ફોલોઅર્સ ધરાવે છે. ચોથા નંબરે બ્રાઝિલના પ્રમુખ લુલા ડી સિલ્વા ૧.૪૪ કરોડ ફોલોઅર્સ ધરાવે છે. તુર્કીના પ્રમુખ એર્ડોઆન ૧.૧૬ કરોડ ફોલોઅર્સ સાથે પાંચમા નંબરે છે અને આર્જેટિનાના પ્રમુખ જેવિઅર મિલે ૬૪ લાખ ફોલોઅર્સ ધરાવે છે. મોદી સિવાયના પાંચ નેતાઓના સંયુક્ત રીતે પણ મોદીથી ઓછા ઓલોઅર્સ છે.
ભારતમાં મોદી પછીના ક્રમે નેતાઓના ફોલઓર્સની વાત હોય તો યોગી ૧.૬૧ કરોડ ફોલોઅર્સ સાથે બીજા નંબરે છે. ૧.૨૬ કરોડ ફોલોઅર્સ સાથે રાહુલ ગાંધી ત્રીજા નંબરે છે.
