પાનેલી રોડ પર પાણી ભરેલા ખાડામાં દુર્ઘટના : 7 વર્ષથી રોજીરોટી રળવા માટે આવેલા મધ્યપ્રદેશના બન્ને શ્રમિક પરિવારે 4-6 વર્ષના વ્હાલસોયા સંતાન ગુમાવતાં ઘેરા શોકનું મોજું
મોરબી, : મોરબી નજીક પાનેલી રોડ પર સિરામિક કારખાના બહાર ત્રણ બાળકો રમતા રમતા પાણી ભરેલા ખાડામાં પડી જતા ડીબી જવાથી જતા ત્રણ માસૂમ બાળકોના મોત થયા હતા. બે સગા ભાઈ-બહેન સહીત ત્રણ માસૂમ બાળકોના મોતને પગલે શ્રમિક પરિવાર પર આભ ફાટયું હતું અને હૈયાફાટ રૂદનના દ્રશ્યો જોવા મળ્યા હતા.
મોરબીના પાનેલી રોડ પર આવેલ આરકોસ માઈક્રોન કારખાના બહાર બપોરના સમયે ત્રણ બાળકો રમતા હતા અને રમતા રમતા નજીક આવેલ પાણી ભરેલા ખાડામાં પડી ગયા હતા. શ્રમિક પરિવારના બાળકો પ્રતિજ્ઞાા ભુરૂભાઈ જમરા (ઉ.વ.5), કુલદીપ કૈલાસભાઈ દાવર (ઉ.વ.6) અને ખુશ્બુ કૈલાસભાઈ દાવર (ઉ.વ.4) એમ ત્રણ બાળકોના મોત નીપજ્યા હતા. બે સગા ભાઈ બહેન સહીત ત્રણેય બાળકો મૂળ મધ્યપ્રદેશના વતની શ્રમિક પરિવારના હતા. બાળકો ખાડામાં પડી ગયા બાદ ઘણા સમય સુધી કોઈને જાણ ના હતી અને પાણીમાં ડૂબી જતા બાળકોના મૃત્યુ નીપજયા હતા.
