– બેન્કે લૂંટની 45 મિનિટ પછી પોલીસને જાણ કરી
– લૂંટાયેલી બેન્ક પાસે છેલ્લા ચાર વર્ષથી સમખાવા પૂરતો સિક્યોરિટી ગાર્ડ પણ ન હોવાથી લૂંટારુઓને મજા પડી ગઈ
નવી દિલ્હી : મધ્યપ્રદેશના જબલપુરમાં પાંચ લૂંટારુઓ બેન્ક પર ત્રાટક્યા હતા અને ફક્ત ૧૮ મિનિટમાં જ ૧૪ કરોડના સોનાની અને પાંચ લાખ રૂપિયા રોકડાની ચોરી કરીને ફરાર થઈ ગયા હતા. તેમની આ ચીલઝડપ ફક્ત જબલપુરમાં જ નહીં મધ્યપ્રદેશમાં ચર્ચાનો વિષય બની ગઈ છે. આશ્ચર્યની વાત એ છે કે બેન્કે ૪૫ મિનિટ પછી ચોરીની જાણ કરી હતી અને બેન્કમાં ચાર વર્ષથી એક સિક્યોરિટી ગાર્ડ પણ નથી.
