મંગળા રોડ પર અંધાધૂંધ ફાયરિંગ કર્યા બાદ પોલીસની ઉંઘ ઉડી
ચાર સભ્યોની ધરપકડ, 11 સભ્યો જેલમાં, બે વોન્ટેડ : 2015થી લઇ 2025 સુધીમાં મોટાભાગના ગંભીર ગણાય તેવા 71 ગુના આચર્યા
રાજકોટ: રાજકોટના મંગળા મેઇન રોડ પર થોડા દિવસો પહેલા પેંડા અને મૂર્ગા ગેંગના સભ્યોએ અંધાધૂંધ ફાયરિંગ કરી ભય ફેલાવ્યો હતો. આ ઘટનાને કારણે રાજકોટ પોલીસની આબરૂના ધજાગરા ઉડયા હતાં. તે સાથે જ અત્યાર સુધી નરમ વલણ અપનાવી બેઠેલી પોલીસે બંને ગેંગ સામે ગુજસીટોક એટલે કે ધી ગુજરાત કંટ્રોલ ઓફ ટેરેરીઝમ એન્ડ ઓર્ગેનાઇઝ ક્રાઇમ એક્ટ-૨૦૧૫ હેઠળ કાર્યવાહી કરવાની જાહેરાત કરી હતી. જેના ભાગરૂપે ક્રાઇમ બ્રાંચે આજે પેંડા ગેંગના ૧૭ સભ્યો સામે ગુજસીટોક હેઠળ ગુનો દાખલ કર્યો હતો.
