રુપિયા ૧૨૫૪.૯૫ કરોડની બેઝ પ્રાઈઝથી મ્યુનિ.ના ૧૪ પ્લોટની હરાજી બોડકદેવમાં પ્રતિ.ચો.મી.૩.૧૦ લાખનો ભાવ …

અમદાવાદ,ગુરુવાર,4
સપ્ટેમબર,2025

અમદાવાદ મ્યુનિ.ના વિવિધ વિસ્તારમાં આવેલા રહેણાંક અને
કોમર્શિયલ કુલ ૧૪ પ્લોટનુ વેચાણ હરાજીથી કરવા એસ્ટેટ વિભાગ દ્વારા જાહેરાત કરાઈ
છે. રાજપથ કલબની પાછળના ભાગમાં આવેલા પ્લોટનું ક્ષેત્રફળ ૧૮૨૧ ચોરસમીટર છે.જેનો
ભાવ પ્રતિ ચોરસમીટર રુપિયા ૩.૧૦ લાખ મુકાયો છે.જયારે પ્લોટની બેઝ પ્રાઈઝ રુપિયા
૫૬.૪૫ કરોડ નકકી કરાઈ છે. રુપિયા ૧૨૫૪.૯૫ કરોડની બેઝ પ્રાઈઝથી ૧૪ પ્લોટની હરાજી
૮થી ૧૦ ઓકટોબર દરમિયાન કરાશે. ઓનલાઈન હરાજીમાં આંબલીના બે રહેણાંક પ્લોટનો પણ
સમાવેશ કરાયો છે.

આ સિવાય બોડકદેવ વિસ્તારમાં મેંગો હોટલની પાછળના ભાગમાં
આવેલ ૮,૧૬૭
ચોરસમીટરના પ્લોટને વેચવા નકકી કરાયુ છે.જેની કિંમત પ્રતિ ચોરસ મીટર રુપિયા ૨.૫૨
લાખ નકકી કરાઈ છે.જેની કુલ કિંમત રુપિયા ૨૦૫.૮૦ કરોડ રાખવામા આવી છે.એક વર્ષ અગાઉ
ગોતા વિસ્તારમાં ડિરોકટોરેટ જનરલ ઓફ ગુડસ એન્ડ સર્વિસ ટેકસ,અમદાવાદની
કચેરીના બાંધકામ માટે ૬૪૯૫ ચોરસમીટર ક્ષેત્રફળના પ્લોટની ફાળવણી કરાઈ હતી.આ
પ્લોટની કિંમત રુપિયા ૧૦૪.૫૬ કરોડ નકકી કરાઈ હતી.આ કિંમત જી.એસ.ટી.વિભાગને મોંધી
પડતા એક વર્ષ સુધી રકમ જમા કરાવાઈ નહતી.જે પછી કોર્પોરેશને આ પ્લોટની ફાળવણી રદ
કરી હતી.કેન્દ્ર સરકારના ખાદી અને ગ્રામ ઉદ્યોગ વિભાગ દ્વારા સોલા,સાયન્સ સિટી રોડ
ઉપરના પ્લોટની પસંદગી કરાઈ હતી.કોર્પોરેશને આ પ્લોટની ફાળવણી કરવાનુ નકકી કર્યુ
હતુ.આ પ્લોટના વેલ્યુએશનમાં પ્રતિ ચોરસમીટર રુપિયા ૧.૭૫ લાખના ભાવથી કુલ રુપિયા
૬૯.૫૪ કરોડની રકમ જમા કરાવવા વિભાગને જાણ કરાઈ હતી.જો કે સમયમર્યાદામા રકમ જમા
કરાવવામા નહીં આવતા આ પ્લોટની ફાળવણી પણ રદ કરાઈ હતી.આ પ્લોટ પણ વેચાણ માટે મુકાયો
છે.

ઓગસ્ટ-૨૦૨૪માં એસ્ટેટ વિભાગ દ્વારા ૧૩ પ્લોટની હરાજી કરવા
જાહેરાત કરાઈ હતી.૧૩ પ્લોટની બેઝ પ્રાઈઝ રુપિયા ૧૧૫૬.૦૯ કરોડ નકકી કરાઈ
હતી.માર્ચ-૨૦૨૪માં કોર્પોરેશને ૨૨ પ્લોટ વેચવા કાઢયા હતા.જે પૈકી રુપિયા ૧૭૪
કરોડમાં છ પ્લોટ વેચાયા હતા.ચાંદખેડામાં લુલુ ઈન્ટરરનેશનલને રુપિયા ૫૧૯ કરોડમાં
પ્લોટ વેચાણથી અપાયો હતો.આ સિવાય રુપિયા ૩૦૨ કરોડમાં વેચાયેલા ત્રણ પ્લોટના સિંગલ
બીડ હોવાથી કેન્સલ કરાયા હતા.શીલજ,મોટેરા
અને બોડકદેવના સિંગલ બીડ હોવાથી રદ કરવાનો નિર્ણય કરાયો હતો.

કયા કયા પ્લોટની હરાજી કરાશે?

વિસ્તાર-હેતુ    પ્લોટ
એરીયા(સ્કે.મી.)  અપસેટ વેલ્યુ(પ્રતિ
સ્કે.મીટર)

મોટેરા(રહેણાંક)         ૧૬૦૬૮            ૧,૦૧,૦૦૦

બોડકદેવ(કોમર્શિયલ)  ૮૧૬૭          ૨,૫૨,૦૦૦

બોડકદેવ(કોમર્શિયલ)  ૫૦૫૮          ૨,૫૨,૦૦૦

થલતેજ(રહેણાંક)     ૪૦૬૨            ૨,૭૫,૦૦૦

શીલજ(રહેણાંક)     ૯૭૬૫             ૧,૭૦,૦૦૦

વટવા(રહેણાંક)    ૬૫૫૮              ૪૦,૦૦૦

નિકોલ(કોમર્શિયલ) 
૧૦૮૫             ૭૫,૦૦૦

બોડકદેવ(રહેણાંક) 
૧૮૨૧             ૩,૧૦,૦૦૦

ચાંદખેડા(કોમર્શિયલ) 
૧૬૧૫           ૧,૯૮,૦૦૦

આંબલી(કોમર્શિયલ) 
૨૪૮૦            ૧,૫૯,૦૦૦

આંબલી(રહેણાંક) 
૪૯૧૧               ૧,૬૦,૦૦૦

ગોતા(કોમર્શિયલ) 
૬૪૯૫              ૧,૬૧,૦૦૦

સોલા(કોમર્શિયલ)  ૩૯૭૪              ૧,૭૫,૦૦૦

સોલા(કોમર્શિયલ)  ૩૮૧૯              ૧,૭૫,૦૦૦