Vadodara Police : ટ્રેનોમાં તેમજ રેલવે સ્ટેશન વિસ્તારમાં પ્રવાસીઓને નિશાન બનાવતી આંતર રાજ્ય ગેંગના બે ઇસમોને રેલવે પોલીસે ઝડપી પાડ્યા છે.
વડોદરા રેલ્વે સ્ટેશન વિસ્તારમાં એલસીબીના માણસો પેટ્રોલીંગમાં હતા. દરમિયાન અગાઉ પકડાયેલ આયુષ ડાગાને પકડી પાડી તેની પાસેથી તેમજ તેના સાથીદાર સોનુ પંચાલ પાસેથી શંકાસ્પદ મુદ્દામાલ લેપટોપ, મોબાઇલ ફોનો, ટેબલેટ વિગેરે કબજે કરી કરવામાં આવ્યાં હતા. જે અંગે બંને યોગ્ય જવાબ આપી નહીં શકતા પોલીસે કાર્યવાહી કરી વડોદરા રેલ્વે પોલીસ સ્ટેશન તેમજ વલસાડ રેલ્વે પોલીસ સ્ટેશનના ગુનાનો ભેદ ઉકેલી્યો હતો.
પોલીસે આયુષ ઉર્ફે લક્કી અનિલ ડાગા (હાલ રહે.દિલીપ કેરીના મકાનમાં ભાડેથી, પંડ્યા બ્રીજ પાસે, ડી-માર્ટની સામેની ચાલીમાં, વાઇટ હાઉસ, સરદારનગર, વડોદરા. મુળ રહે રિદ્ધી સિદ્ધી પેપર વર્ક, બેચેન બજાર, અગ્રવાલ હોલની બાજુમાં, રાયપુર, છતીસગઢ) તથા પ્રિતેશ ઉર્ફે સોનું મહેશભાઇ શાતિલાલ પંચાલ (ધંધો.કાર રેન્ટલ અને ઇવેન્ટ મેન પાવર સપ્લાયર, (હાલ રહે. સુદામા સોસાયટી, શિવમ વિધ્યાલયની ગલી, આજવા રોડ, વડોદરા. મુળ રહે.બી-1, 45, વ્રજધામ સોસાયટી, કમલાનગર તળાવની બાજુમાં, કમલાનગર બસ સ્ટોપની સામે, આજવા રોડ, વડોદરા) ની ધરપકડ કરી હતી. તેઓની પાસેથી 14 મોબાઈલ, બે લેપટોપ, એક ટેબલેટ મળી કુલ પાંચ લાખ રૂપિયાનો મુદ્દામાલ કબજે કરવામાં આવ્યો હતો. બંનેની પૂછપરછમાં વડોદરા વલસાડ ઉપરાંત ઉત્તર પ્રદેશ મધ્ય પ્રદેશ અને ઓરિસ્સાના ગુનાઓનો ભેદ ઉકેલાયો છે.
