– જવાબદારો સામે પગલાં લેવા માટે ઉચ્ચ કક્ષાએ લેખિતમાં ફરિયાદ
– ડીડીઓને રજૂઆત કર્યાના ચાર મહિના સુધી તપાસ જ ન કરાય, હવે બે દિવસથી તંત્રએ સ્થાનિકોના નિવેદન લેવાનું શરૂ કરાયું
લખતર : લખતરના વચલી ફળીમાં ૨૦૨૨-૨૦૨૩માં કેશીભાઇ ડેડાસણીયા ઘરથી વચલી ફળી થઇને ખાળીયા તરફ પેવર બ્લોડ રોડ બનાવ્યા વગર બિલ બનાવી તાલુકા વિકાસ અધિકારીની સહીવગર કમ્પ્લીટેન સર્ટીફિકેટ બનાવી ૧.૯૩ લાખની રકમ ઉપાડી લેવામાં આવી હતી અને અ ઇન્ચાર્જ સરપંચને રજૂઆત કરી હતી. આ મામલે તંત્ર ઘોર નિદ્રામાં જાગીને લખતરમાં બે દિવસથી લોકોના નિવેદન લેવાનું શરૂ કર્યું છેે.
આ મામલે ઇન્ચાર્જ મહિલા સરપંચ હીરાબેન વહોદરિયા સ્થળ તપાસ કરવા આવ્યા હતા. હાલ કેશીભાઈ ડેડાસણીયાના ઘરની સામે કાળુભાઇ બ્રાહ્મણના ઘરથી વચલીફળી તરફ પેવર બ્લોક રોડ બતાવી પેવર બ્લોક રોડનું કામ કરવામાં આવ્યું હોવાનું માલુમ પડયું હતું. જાગૃત નાગરિકે કામનું નામ બદલી ડુપ્લિકેશન કરાયુ હોવાની રજુઆત કરવામાં આવી છે. તેમજ છેલ્લા ત્રણ કરતા વધારે વર્ષથી વચલી ફળી પેવર બ્લોક અને મણિલાલ પ્રજાપતિની દુકાન તરફથી ઉગમણા દરવાજા તરફ પેવર બ્લોક રોડનું કામ અને લુહાર ચોકથી પ્રજાપતિ જ્ઞાાતિના મઢ તરફ પેવર બ્લોક રોડનું કામ આ બંને કામમાં અંદાજે રૂ.૧૨ લાખની ગેરરિતીનો આક્ષેપ કર્યો હોવાનું હોવાનુ જણાવી આ અંગે સીએમઓ, પીએમઓ સુધી લેખિત રજુઆત અને રિમાઇન્ડર અરજી કરી રજુઆત કરી હોવા છતાં લખતર તાલુકા વિકાસ અધિકારી અને જિલ્લા વિકાસ અધિકારી દ્વારા જિલ્લા સ્વાગત અધ્યક્ષ સ્થાને તપાસ કરવા લેખીત હુકમ કરવા છતાં તપાસ કરવામાં આવી નથી.
લખતર ગામના લોકોમાં તાલુકા વિકાસ અધિકારી અને જિલ્લા વિકાસ અધિકારી સામે ભ્રષ્ટાચારની શંકાઓ કરવામાં આવી રહી છે. ત્યારે વચલી ફળી પેવર બ્લોક રોડ મામલે લખતરનું સરકારી તંત્ર બે દિવસમાં તપાસ કરવા પહોંચ્યા હતા અને આ મામલે સ્થાનિક લોકોના નિવેદન લેવાની કામગીરી હાથ ધરી હતી.
આ સમગ્ર મામલે સામાજિક કાર્યકર દ્વારા ભ્રષ્ટાચાર અને સરકારી નાણાંના દુરુપયોગ બદલ ઉચ્ચ કક્ષાએ ફરિયાદ કરવામાં આવી છે.તેમજ ફોજદારી કાર્યવાહીની પણ માગણી કરવામાં આવી છે.
