Delhi Car Blast Case: દિલ્હીના લાલ કિલ્લાની સામે થયેલા કાર બોમ્બ વિસ્ફોટ અંગે કેન્દ્રીય ગૃહમંત્રી અમિત શાહે ચોંકાવનારો ખુલાસો કર્યો છે. તેમણે જણાવ્યું હતું કે વિસ્ફોટમાં 40 કિલો વિસ્ફોટકોનો ઉપયોગ કરવામાં આવ્યો હતો, જ્યારે ત્રણ ટન વિસ્ફોટકો પહેલાથી જ મળી આવ્યા હતા. વિસ્ફોટ પહેલા જ કાવતરામાં સામેલ આખી ટીમની ધરપકડ કરવામાં આવી હતી. આ સમગ્ર નેટવર્કની તપાસ અમારી તમામ એજન્સીઓ દ્વારા ખૂબ જ અસરકારક રીતે કરવામાં આવી હતી.
દિલ્હી બ્લાસ્ટ કેસમાં 9 લોકોની ધરપકડ
દિલ્હી બ્લાસ્ટની તપાસ કરી રહેલી NIA એ આ કેસમાં અત્યાર સુધીમાં 9 લોકોની ધરપકડ કરી છે, જેમાં ત્રણ ડોક્ટર મુઝમ્મિલ, અદીલ રાથર અને શાહીન સઈદ અને એક મૌલવી ઇરફાનનો સમાવેશ થાય છે. આ કેસ જમ્મુ અને કાશ્મીર પોલીસ તરફથી પર્દાફાશ કરાયેલા વ્હાઇટ-કોલર ટેરર મોડ્યુલ સાથે જોડાયેલો છે.
NIA અનુસાર, મુઝમ્મિલનો મિત્ર ઉમર 10 નવેમ્બરના રોજ વિસ્ફોટકોથી ભરેલી કાર ચલાવી રહ્યો હતો અને આતંકવાદી હુમલાનો મુખ્ય કાવતરાખોર હતો, જેમાં 15 લોકો માર્યા ગયા હતા. વિસ્ફોટ ઉમર જે હ્યુન્ડાઇ i-20 કાર ચલાવી રહ્યો હતો તેમાં થયો હતો.
આ પણ વાંચો: ‘મહા’પોલિટીક્સ: ભાજપ સામે પવારનો ‘પાવર’, કોંગ્રેસ અને ઠાકરે બંધુઓ એક, 3 નવા સમીકરણ
પહેલગામ હુમલો દેશમાં સાંપ્રદાયિક સૌહાર્દ બગાડવાનું ષડયંત્ર: ગૃહમંત્રી
નવી દિલ્હીમાં આતંકવાદ વિરોધી પરિષદ 2025નું ઉદ્ઘાટન કરતા કેન્દ્રીય ગૃહમંત્રીએ કહ્યું કે, ‘જમ્મુ અને કાશ્મીરના પહેલગામમાં બૈસરન ખીણમાં થયેલા આતંકવાદી હુમલાએ સમગ્ર દેશને હચમચાવી નાખ્યો હતો. તે હુમલા દ્વારા આતંકવાદીઓનો ઉદ્દેશ્ય દેશમાં સાંપ્રદાયિક સૌહાર્દને ખલેલ પહોંચાડવાનો અને કાશ્મીરમાં શરૂ થયેલા વિકાસ અને પર્યટનના નવા યુગ પર હુમલો કરવાનો હતો.’
આ પણ વાંચો: જયપુરમાં તણાવ: ધાર્મિક સ્થળથી પથ્થર હટાવવા મામલે વિવાદ ભડકતાં પથ્થરમારો-ઇન્ટરનેટ બંધ
ઓપરેશન સિંદૂર અને ઓપરેશન મહાદેવ પર ગૃહમંત્રીએ શું કહ્યું?
તેમણે કહ્યું કે, ખૂબ જ સચોટ ગુપ્ત માહિતીના આધારે આપણા સુરક્ષા દળોએ ત્રણેય આતંકવાદીઓને ખતમ કરી દીધા અને પાકિસ્તાનને એક મજબૂત સંદેશ આપ્યો. આ પહેલો આતંકવાદી કેસ છે જેમાં આતંકવાદી કૃત્યના કાવતરાખોરોને ઓપરેશન સિંદૂર દ્વારા સખત સજા આપવામાં આવી છે, જ્યારે શસ્ત્રો સાથે આતંકવાદી હુમલો કરનારાઓને ઓપરેશન મહાદેવ હેઠળ ઠાર મરાયા છે.
