વડોદરાના દુમાડ વિસ્તારમાં સ્ટેટ મોનિટરિંગ સેલ દ્વારા ફરી એક વાર દરોડો પાડવામાં આવ્યો છે. પોલીસે દારૂના મોટા જથ્થા સાથે ત્રણ જણાને ઝડપી પાડ્યા છે.
દુમાડ ચોકડી પાસે પેટ્રોલપંપ ની સામેના મકાનમાં દારૂનો મોટો જથ્થો ઉતર્યો હોવાની માહિતી મળતા સ્ટેટ સેલ દ્વારા દરોડો પાડવામાં આવ્યો હતો. પોલીસે 13 લાખની કિંમતના દારૂ સાથે 2658 બોટલ કબજે કરી હતી. આ ઉપરાંત 50000ની કિંમતનો 250 લીટર દેશી દારૂ, ચાર મોબાઈલ અને 13200 રોકડા પણ કબજે કર્યા હતા.
પોલીસે કનુ ભાઈલાલ માળી,(દુમાડ, પેટ્રોલ પંપ સામે) હિંમત શંકરભાઈ માળી(સંજય નગર,સમા) અને ગૌતમસિંહ ગોપાલસિહ પરમાર (સ્વામિનારાયણ ટેનામેન્ટ,છાણી) ને ઝડપી પાડ્યા હતા. જ્યારે સરોજબેન અને બંટો સહિત આઠને વોન્ટેડ જાહેર કર્યા છે.
