Vadodara : વડોદરાના ફતેગંજ વિસ્તારમાં ગઈકાલે સગીરવયના બે મિત્રો ઘર છોડીને ચાલ્યા જતા પોલીસે સીટીટીવી ફૂટેજના આધારે બંનેને શોધી કાઢ્યા હતા.
ફતેગંજ બ્રિજ નજીક નજીક 85 વર્ષે એક વૃદ્ધાએ તેનો 13 વર્ષનો પૌત્ર બપોરે કોઈ વસ્તુ ખરીદવા ગયા બાદ ગુમ થઈ ગયો હોવાની ફતેગંજ પોલીસને સાંજે જાણ કરતા પોલીસે ત્રણ ટીમ બનાવી સીસીટીવી ફૂટેજના આધારે તપાસ હાથ ધરી હતી.
આ દરમિયાન છાણી જકાતનાકા વિસ્તારની એક મુસ્લિમ મહિલા પણ સાંજે પોલીસ સ્ટેશન આવી હતી અને તેનો 12 વર્ષનો પુત્ર ગુમ થઈ ગયો હોવાની જાણ કરી હતી. પોલીસની તપાસમાં ગુમ થયેલા બંને સગીર મિત્રો હોવાનું જાણવા મળ્યું હતું.
સીસીટીવી તપાસતી ટીમો બંનેનું પગેરું શોધતી ત્રણ કલાકે બંને મિત્રો સુધી પહોંચી હતી અને તેઓ વડોદરાની બહાર ચાલ્યા જાય તે પહેલા બંનેનું કાઉન્સેલિંગ કરી તેમના પરિવારજનોને સોપ્યા હતા.
