Vadodara : વડોદરા શહેરમાં શાહુડી રહેણાંક વિસ્તારમાં આવી જતી હોવાના સતત બનાવો બની રહ્યા હોવાથી શાહુડી માટે ફોરેસ્ટનો વિસ્તાર ટૂંકો પડી ગયો હોય તેમ લાગે છે.
શું શાહુડી માટે જંગલ વિસ્તાર ટૂંકો પડી ગયો છે
ફતેગંજ, કમાટીબાગ, કારેલીબાગ જેવા વિસ્તારોમાંથી શાહુડીનું રેસ્ક્યુ કરવાના અગાઉ બનાવો બન્યા હતા. શાહુડી રહેણાંક વિસ્તારમાં આવી જતી હોવાથી અને તેના કાંટાળા પીંછા છોડતી હોવાને કારણે લોકોમાં ગભરાટ ફેલાતો હોય છે.
પોર નજીકના ખેતરમાં શાહુડીએ દીપડાનો ભોગ લીધો હતો
નોંધનીય છે કે, થોડો સમય પહેલા વડોદરા નજીક પોર ખાતે શાહુડીનો શિકાર કરવા જતા એક દીપડાના ગળામાં કાંટા ભરાઈ ગયા હતા અને તેનું મોત નિપજ્યાં હોવાનું બનાવ પણ બન્યો હતો.
મુજમહુડાની સોસાયટીમાં શાહુડીએ નાસભાગ મચાવતા રેસ્ક્યુ
વડોદરાના મુજમહુડા વિસ્તારમાં પસાભાઈ ટ્રેક્ટર પાસે આવેલી વ્રજવિહાર સોસાયટીમાં આજે એક શાહુડી આવી જતા લોકોમાં ગભરાટ ફેલાયો હતો. ગુજરાત પ્રાણી ક્રૂરતા નિવારણ સંસ્થાને જાણ કરાતા તેના કાર્યકરો સાધનો સાથે આવ્યા હતા અને નાશ ભાગના અંતે શાહુડીનું સલામત રીતે રેસ્ક્યુ કરવામાં આવ્યું હતું. જેથી હવે ફોરેસ્ટ વિભાગ દ્વારા શાહુડીને સુરક્ષિત સ્થાને શોર્ટ છોડવા માટે કાર્યવાહી કરવામાં આવનાર છે.
